ଭୁବନେଶ୍ୱର: ସାଂସଦ ଭାବେ ସେ କେତେ କାମ କରିଛନ୍ତି, କ’ଣ କ’ଣ କରିଛନ୍ତି…ଦୁଇ ବର୍ଷ କାର୍ଯ୍ୟର ରିପୋର୍ଟ କାର୍ଡ ଦେଇଛନ୍ତି  ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ।  ବିକାଶମୂଳକ କାର୍ଯ୍ୟକ୍ରମ, ଜନ ଶୁଣାଣି, ସଂସଦରେ ଅଂଶଗ୍ରହଣ ଭଳି ବିଭିନ୍ନ ଦିଗରେ ନିଜ କାର୍ଯ୍ୟ ସମ୍ପର୍କରେ ସବିଶେଷ ତଥ୍ୟ ରଖିଛନ୍ତି ସାଂସଦ।

ଭୁବନେଶ୍ୱର ନିର୍ବାଚନ ମଣ୍ଡଳି ଅନ୍ତର୍ଗତ  NHAIର ୧୧୪ କୋଟି ପ୍ରକଳ୍ପକୁ ଏହି ଭିତରେ ଅନୁମୋଦନ ମିଳିଛି। ଏଥିରେ ହଂସପାଳ ଫ୍ଳାଏଓଭର, ୩ଟି ଭେଇକେଲ୍ ଅଣ୍ଡର ପାସ୍, ୩ଟି ପୋଲ୍ ରହିଛି। ଭୁବନେଶ୍ୱରବାସୀଙ୍କ ଦୀର୍ଘ ଦିନ ଧରି ଦାବିକୁ ପୂରଣ କରିବାକୁ ପଦକ୍ଷେପ ନିଆଯାଇଛି।

 ଲମ୍ବା ସମୟ ଧରି ପଡ଼ି ରହିଥିବା ନିର୍ମାଣ କାର୍ଯ୍ୟକୁ ତ୍ୱରାନ୍ୱୀତ କରାଯାଇଛି। ଭୁବନେଶ୍ୱରର ବିଭିନ୍ନ ଡ୍ରେନ୍, କଲଭର୍ଟ, କେନାଲର ନିର୍ମାଣ ପାଇଁ ୫୨ ଲକ୍ଷରୁ ଅଧିକ ଟଙ୍କା ଖର୍ଚ୍ଚ ହୋଇଥିବା ଅପରାଜିତା କହିଛନ୍ତି। ସେହିଭଳି ଗତ ବର୍ଷକ ଭିତରେ ୨ ହଜାର ୧୫୦ ଜଣଙ୍କ ଅଭିଯୋଗ ଶୁଣାଣି ହୋଇ ୨୧୦୬ଟି ଅଭିଯୋଗର ଫୈସଲା ହୋଇଛି ।

କେହି ବି ତାଙ୍କୁ ଅଭିଯୋଗ ଦେଲେ ଏହାର ସମାଧାନ କରିବାକୁ ଚେଷ୍ଟା କରାଯାଉଛି। ଏପରି ଅଭିଯୋଗ ଶୁଣାଣି ବ୍ୟବସ୍ଥା ସବୁ ସରକାରୀ ଅଫିସରେ ରହିବା ଜରୁରୀ ବୋଲି ସେ କହିଛନ୍ତି। PM ରିଲିଫ୍ ଫଣ୍ଡ ଦ୍ୱାରା ୨୨ ଲକ୍ଷ ଟଙ୍କା ଅର୍ଥିକ ସହାୟତା ଲୋକଙ୍କୁ ପ୍ରଦାନ କରାଯାଇଛି।

 ଲୋକସଭାରେ ୭ଟି ବିତର୍କରେ ୩୭ଟି ପ୍ରଶ୍ନ ଉପସ୍ଥାପନ କରି ଭୁବନେଶ୍ୱର ଲୋକସଭା କ୍ଷେତ୍ର ଲୋକଙ୍କ ପ୍ରସଙ୍ଗ ଉଠାଯାଇଛି। କେନ୍ଦ୍ର ସରକାରଙ୍କ ପାଖରେ ଲୋକଙ୍କ ବିକାଶ ଓ ଦାବିକୁ ସେ ଉଠାଇଛନ୍ତି। କେନ୍ଦ୍ର ସରକାର ରାଜ୍ୟର ସହାୟତା ପାଇଁ ସବୁବେଳେ ତତ୍ପର ଥିବା ଆଜି ଏକ ପ୍ରେସମିଟରେ ଅପରାଜିତା କହିଛନ୍ତି । ତାଙ୍କ ରିପୋର୍ଟ କାର୍ଡର ଏକ ପୁସ୍ତିକା ସେ ଏହି ଅବସରରେ ଉନ୍ମୋଚନ କରିଛନ୍ତି ।

 

Other Stories