ଦୁଇ ଦିନରେ ହେଲାଣି ଲକ୍ଷେରୁ ଅଧିକ କରୋନା ଟେଷ୍ଟ

ଭୁବନେଶ୍ୱର: ରାଜ୍ୟରେ ଦୁଇ ଦିନରେ ଲକ୍ଷେରୁ ଅଧିକ କରୋନା ଟେଷ୍ଟ ହୋଇଛି। ଖୁବଶୀଘ୍ର ରାଜ୍ୟରେ ୧୦ ଲକ୍ଷ ଅତିକ୍ରମ କରିବ କରୋନା ଟେଷ୍ଟ। ଏନେଇ ସୂଚନା ଦେଇଛନ୍ତି ରାଜ୍ୟ ସରକାର।

କରୋନା ସ୍ଥିତିକୁ ନେଇ ସରକାର ସୂଚନା ଦେଇଛନ୍ତି ଯେ ରାଜ୍ୟରେ ଦୁଇ ଦିନରେ ଲକ୍ଷେରୁ ଅଧିକ କରୋନା ଟେଷ୍ଟ କରାଯାଇଛି। ଖୁବଶୀଘ୍ର ରାଜ୍ୟରେ କରୋନା ଟେଷ୍ଟ ୧୦ ଲକ୍ଷ ଅତିକ୍ରମ କରିବ। ସେହିପରି ଦୁଇ ଦିନରେ ଗଞ୍ଜାମରେ ସର୍ବାଧିକ ୧୪ ହଜାର ୯୫୩ ଟେଷ୍ଟ କରାଯାଇଛି।

ସେହିପରି ରାଜ୍ୟରେ ସଂକ୍ରମଣ ହାର ଅଗଷ୍ଟ ୧୬ ସୁଦ୍ଧା ୯.୨%ରୁ ୫.୫%କୁ କମିଛି। ଗଞ୍ଜାମ ଜିଲ୍ଲାରେ ୩.୬ ପ୍ରତିଶତକୁ କମିଛି ସଂକ୍ରମଣ ହାର। ରାଜ୍ୟରେ କରୋନା ମୃତ୍ୟୁ ହାର ୦.୫୮% ଥିବା ସରକାରଙ୍କ ସୂଚନା ଦେଇଛନ୍ତି।

ଓଡ଼ିଶାରେ ୨,୯୨୪ ନୂଆ କରୋନା ଆକ୍ରାନ୍ତ‌ ଚିହ୍ନଟ ହୋଇଛନ୍ତି।  ଗତ ୨୪ ଘଣ୍ଟା ମଧ୍ୟରେ ୩୦ ଜିଲ୍ଲାରୁ ଏହି ଆକ୍ରାନ୍ତମାନେ ଚିହ୍ନଟ ହୋଇଛନ୍ତି। ଏ ନେଇ ରାଜ୍ୟ ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି।

ଚିହ୍ନଟ ନୂଆ୨,୯୨୪ ଆକ୍ରାନ୍ତଙ୍କ ମଧ୍ୟରୁ ୧,୮୧୫ ଜଣ କ୍ୱାରେଣ୍ଟିନ୍‌ରେ ରହିଥିଲେ। ସେହିପରି ଲୋକାଲ୍ କଣ୍ଟାକ୍ଟସ୍‌ ୧,୧୦୯ରହିଛି।

You might also like