ଆଜିଠୁ ଦେଖିବାକୁ ମିଳିବ ‘ତରଙ୍ଗ’ ଚ୍ୟାନେଲ୍‌ର ମେଗା ଧାରାବାହିକ

ଭୁବନେଶ୍ୱର: ମନୋରଞ୍ଜନ ଧର୍ମୀ ଚ୍ୟାନେଲ ତରଙ୍ଗରେ ଆଜିଠୁ ପୁଣି ଥରେ ଆରମ୍ଭ ହେଉଛି ମେଗା ଧାରାବାହିକ। ଲୋକପ୍ରିୟ ଧାରାବାହିକ ମାୟା, କୁଆଁରୀବୋହୂ, ନୂଆବୋହୂ, ସାବିତ୍ରୀ, ତାରାତାରିଣୀ ଓ ସିନ୍ଦୁରର ଅଧିକାର ଆଜିଠୁ ପୁଣି ଥରେ ତରଙ୍ଗରେ ପ୍ରସାରିତ ହେବ ।

ସେହିପରି ଓଡ଼ିଶାର ସବୁଠୁ ଲୋକପ୍ରିୟ ହାସ୍ୟ ଅଭିନେତା ପପୁ ପମ୍‌ପମ୍‌ ନେଇ ‘EXCUSE ME, ଯାହା କହିବି, ସତ କହିବି’ର ସିଜନ-ଥ୍ରୀ ମଧ୍ୟ ଆଜିଠୁ ରାତି ୧୦ଟାରେ ପ୍ରସାରିତ ହେବ। କରୋନା କଟକଣା ପାଇଁ ଦୀର୍ଘ ଦିନ ଧରି ସୁଟିଂ ବନ୍ଦ ରହିଥିଲା॥ ଏବେ ପୁଣି ଥରେ ସୁଟିଂ ଫ୍ଲୋରକୁ ଫେରିଛି । ଧାରାବାହିକ ସୁଟିଂ ବେଳେ ସରକାରଙ୍କ ସମସ୍ତ ଗାଇଡ୍ ଲାଇନକୁ ପାଳନ କରାଯାଇଛି ।

ଷ୍ଟୁଡିଓକୁ ସାନିଟାଇଜ୍ କରାଯିବା ସହ ବାରମ୍ବାର ସବୁନ ଓ ସାନିଟାଇଜରରେ ହାତ ସଫା କରିବା, ମାସ୍କ ଲଗାଇବା, ସାମାଜିକ ଦୂରତା ବଜାୟ ରଖିବା ନିୟମ ମଧ୍ୟ ପାଳନ କରାଯାଇଛି ।

You might also like