ଫୋନି ଉଜାଡିଲା ଔଷଧୀୟ ବୃକ୍ଷ

ଭୁବନେଶ୍ୱର: ମହାବାତ୍ୟା ଫୋନିରେ  ଉଜଡ଼ିଯାଇଇଛି। ଔଷଧୀୟ ବୃକ୍ଷ ଜ୍ଞାନ କେନ୍ଦ୍ର ।  ନଷ୍ଟ ହୋଇଛି ବିରଳ ପ୍ରଜାତିର ଅନେକ ଔଷଧୀୟ ବୃକ୍ଷରାଜୀ। ଭୁବନେଶ୍ୱର ପାଞ୍ଚ ନମ୍ବର ଜାତୀୟ ରାଜପଥ  ପାତ୍ରପଡାସ୍ଥିତ  ୬୦ ହେକଟର ଜମିରେ ତିଆରି ହୋଇଥିଲା ଏହି ଔଷଧୀୟ ବୃକ୍ଷ ଜ୍ଞାନ କେନ୍ଦ୍ର ବା ମେଡିସିନାଲ ପ୍ଲାଣ୍ଟ ନଲେଜ୍ ସେଣ୍ଟର ।  ୨୦୦୩  ମସିହାଠାରୁ ଆରମ୍ଭ ହୋଇଥିବା ଏହି  କେନ୍ଦ୍ରରେ  ୩୦୦ ପ୍ରଜାତିର ବହୁ ବିରଳ  ଔଷଧୀୟ ବୃକ୍ଷ ରହିଥିଲା ଯାହାକି ଫୋନୀ ଯୋଗୁ  ଅଧାରୁ ଅଧିକ ଗଛ ନଷ୍ଟ ହୋଇଯାଇଛି ।

ଫୋନିର ପ୍ରଭାବରେ ସହର ଭିତରେ ସଂପୂର୍ଣ ଭାବେ ମୂଳରୁ ଉପୁଡି ନ ଥିବା ଗଛର  ପୁନରୁଦ୍ଧାର ପାଇଁ ପ୍ରକ୍ରିୟା ଆରମ୍ଭ ହୋଇଛି। ସିଟି ଫରେଷ୍ଟ ଡିଭିଜନ ପକ୍ଷରୁ ସେହି ସବୁ ଗଛ ମୂଳ ଖୋଲାଯାଇ  ପୁନର୍ବାର ଗଛଗୁଡିକୁ ବନ କର୍ମଚାରୀଙ୍କ ସହାୟତାରେ ଉଠାଇ କାଠ ପୋଲ ମାଧ୍ୟମରେ ଢେରା ଦିଆଯାଇ ପୋତା ଯାଉଛି । ସେସବୁ ଗଛକୁ  ବଞ୍ଚାଇ ରଖିବା ଉଦ୍ଦେଶ୍ୟରେ ଏପରି ପଦକ୍ଷେପ ନେଇଛି ସିଟି ଫରେଷ୍ଟ ଡିଭିଜନ। ୫ଦିନ ହେଲାଣି ସହରରେ ଏଯାଏଁ ପ୍ରାୟ ୩୦୦୦ ଗଛକୁ  ପୁନଃ ରୋପଣ କରାଯାଇଛି । ଫୋନି ପରେ ବହୁମାତ୍ରାରେ ଗଛ ଉଜୁଡିଯାଇଥିବାରୁ  ଅଧା ଉପୁଡିଯାଇଥିବା ଗଛକୁ ପ୍ରାଥମିକତା ଦିଆଯାଉଛି। ଯେଉଁ ହାରରେ ଗରମ ଅନୁଭୂତ ହେଉଛି ଏସବୁ ଗଛକୁ  ବଞ୍ଚାଇ ରଖିବା ଜରୁରୀ ହୋଇପଡିଛି।

 

You might also like