ଶହ ଶହ ଆୟୁଷ ଡାକ୍ତରଙ୍କୁ ଜନ୍ମ ଦେଇଥିଲା, ଆଜି ବନ୍ଦ ହେବାକୁ ଯାଉଛି ଏହି ମେଡିକାଲ କଲେଜ

ବାରିପଦା(ମାନିକଲାଲ ପାଣି): ବନ୍ଦ ହେବାକୁ ଯାଉଛି ଉତ୍ତର ଓଡ଼ିଶାର ଏକମାତ୍ର ହୋମିଓପ୍ୟାଥିକ ମେଡିକାଲ କଲେଜ ଓ ହସ୍ପିଟାଲ। ଆୟୁଷ ମନ୍ତ୍ରାଳୟ ପକ୍ଷରୁ କଲେଜକୁ ଏନେଇ ସୂଚନା ଦିଆଯାଇଛି। କରୋନା ସମୟରେ ଆୟୁଷ ଡାକ୍ତର ପ୍ରମୁଖ ଭୂମିକା ଗ୍ରହଣ କରିଥିବାବେଳେ ଏବେ ଅବହେଳିତ ହୋଇପଡିଛି ଏହି ହସ୍ପିଟାଲ। ଶହ ଶହ ଆୟୁଷ ଡାକ୍ତରଙ୍କୁ ଜନ୍ମ ଦେଇଥିବା ଏହି ବାରିପଦାର ଏହି ମେଡିକାଲ କଲେଜକୁ ସଞ୍ଜିବନୀ ଯୋଗାଇବାକୁ ଦାବି ହୋଇଛି।

୨୦୧୬-୧୭ ବ୍ୟାଚ୍‌ରୁ ଏହି କଲେଜରେ ନାମଲେଖା ବନ୍ଦ ହୋଇଯାଇଛି। ୩୦ ସିଟ୍‌ ବିଶିଷ୍ଟ ୧୯୮୦ ମସିହାରୁ ଆରମ୍ଭ ହୋଇଥିବା ଏହି  କଲେଜରୁ ପାଖାପାଖି ୫୦୦ରୁ ଉର୍ଦ୍ଧ୍ୱ ଛାତ୍ରଛାତ୍ରୀ ପାସ ହୋଇ ଆୟୁଷ ଡାକ୍ତର ଭାବେ ବିଭିନ୍ନ ଡାକ୍ତରଖାନାରେ ସେବା ଯୋଗାଇ ଆସୁଛନ୍ତି। ବାରିପଦା ହୋମିଓପ୍ୟାଥିକ ମେଡିକାଲ କଲେଜରେ ଏକ ଡିସ୍ପେନସାରୀ ମଧ୍ୟ ରହିଛି। ଯେଉଁଠି ପ୍ରତିଦିନ ୫୦ରୁ ଅଧିକ ରୋଗୀଙ୍କ ଚିକିତ୍ସା କରାଯାଉଛି। ହେଲେ ଗତ ୨୦୧୬-୧୭ରେ ଆୟୁଷ ମନ୍ତ୍ରାଳୟ କଲେଜର ଭିତ୍ତିଭୂମି ଅଭାବ ଦେଖାଇ ବାରିପଦା ହୋମିଓପ୍ୟାଥିକ କଲେଜର ନାମଲେଖା ଉପରେ କଟକଣା ଜାରି କରିଛି। ସେହି ବର୍ଷଠାରୁ ଏହି କଲେଜରେ ଆଉ ନାମ ଲେଖା ହୋଇନାହିଁ।

ଆୟୁଷ ମନ୍ତ୍ରାଳୟର ନିର୍ଦ୍ଦେଶକଙ୍କୁ ରାଜ୍ୟ ସରକାରଙ୍କ ତରଫରୁ ମଧ୍ୟ ଚିଠି ଲେଖି ଜଣାଇ ଦିଆଯାଇଛି। କେନ୍ଦ୍ର ସରକାର ମାଗିଥିବା ରିପୋର୍ଟରେ ସିଧାସଳଖ ରାଜ୍ୟ ସରକାର ‘କ୍ୟାନ୍ ନଟ୍ କନସିଡର୍’ ବୋଲି ଉଲ୍ଲେଖ କରିଛନ୍ତି। ଯାହା ହୋମିଓପ୍ୟାଥିକ ମେଡିକାଲ କଲେଜ ପାଇଁ ସରକାରଙ୍କ ଆନ୍ତରିକତା ନଥିବା ଦର୍ଶାଉଛି।
ତେବେ ରାଜ୍ୟ ସରକାର ଏହି କଲେଜ ପାଇଁ ସ୍ୱତନ୍ତ୍ର ଦୃଷ୍ଟି ଦେଇ ଆନ୍ତରିକତା ଦେଖାଇଲେ ଏହି କଲେଜ ପୁଣି ଥରେ ନିଜର ପରିଚୟ ପାରିପାରନ୍ତା ବୋଲି ଲେକେ କହିଛନ୍ତି।

ଆହୁରି ପଢ଼ନ୍ତୁ

ଇଞ୍ଜିନିୟର ଏବେ ଦିନ ମଜୁରିଆ; କୋଦାଳ ଧରି ମାଟି ବୋହିଲେ

ଜେଲ୍ ଗଲେ ସହକାରୀ ନିର୍ବାହୀ ଯନ୍ତ୍ରୀ ରବୀନ୍ଦ୍ର ପ୍ରଧାନ; ଆୟର ୨୪୧% ଥିଲା ବେଆଇନ

କୋଭିଡ୍‌-୧୯ ସୁସ୍ଥ ହେବା ପରେ କ’ଣ କରିବେ, ପରାମର୍ଶ ଦେଲା ସ୍ୱାସ୍ଥ୍ୟ ବିଭାଗ

କରୋନାରୁ ସୁସ୍ଥ ହେଲେ ୨୭୧୬ ଜଣ ଆକ୍ରାନ୍ତ

ରକ୍ତମୁଖା ପଡ଼ୋଶୀର ବିଭତ୍ସ କାଣ୍ଡ; ରକ୍ତରେ ଭିଜିଲା ଘର ଓ ଜମି

ଆସନ୍ତାକାଲି ସନ୍ଧ୍ୟା ୬ଟାରୁ ୬ଟା ୧୫ ମିନିଟ୍‌ ଯାଏଁ ବିଜୁଳି ନଜାଳିବାକୁ ଆହ୍ୱାନ

ଭାଙ୍ଗିଯାଇଛି ପୋଲ, ସମସ୍ୟାରେ ୬ଟି ଗାଁ

ନିଲମ୍ବିତ ହେଲେ ଗୁଣପୁର ତହସିଲଦାର

ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ଲଘୁଚାପ ୱେଲ୍ ମାର୍କରେ ପରିଣତ

ପଥର ଖାଦାନରେ ଚାଲାଣକୁ ନେଇ ମୁହାଁମୁହିଁ ପେସା ଓ ସିପିଆଇଏମ୍

ବାଲେଶ୍ୱର ଉପନିର୍ବାଚନ: ଆକର୍ଷଣ ସାଜିଛନ୍ତି ୯୦ ବର୍ଷର ବେଣୁଧର

ଦଳୀୟ ନେତାଙ୍କୁ ଗୁରୁମନ୍ତ୍ର ଦେଲେ ଚେଲ୍ଲାକୁମାର

You might also like