ମାଟ୍ରିକ୍ ପରୀକ୍ଷା: ସୁରକ୍ଷାକର୍ମୀଙ୍କ ପହରାରେ ପ୍ରଶ୍ନପତ୍ର

ଭୁବନେଶ୍ୱର: ଆସନ୍ତାକାଲିଠାରୁ ରାଜ୍ୟରେ ମାଟ୍ରିକ୍ ପରୀକ୍ଷା ଆରମ୍ଭ ହେବ। ଏଥିପାଇଁ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ସମସ୍ତ ପ୍ରସ୍ତୁତି ସରିଛି। ନୋଡାଲ୍ ସେଣ୍ଟରଗୁଡ଼ିକୁ ପରୀକ୍ଷା ପ୍ରଶ୍ନପତ୍ର ପଠାଯାଇଛି। କାଲି ସକାଳେ ନୋଡାଲ୍‌ ସେଣ୍ଟର୍‌ଗୁଡ଼ିକରୁ ପରୀକ୍ଷା କେନ୍ଦ୍ରକୁ ପ୍ରଶ୍ନପତ୍ର ପଠାଯିବ।

ଏଥର ରାଜ୍ୟରେ ମୋଟ୍  ୩୦୪ଟି ନୋଡାଲ୍‌ ସେଣ୍ଟର୍‌ କରାଯାଇଛି। ସେଥିମଧ୍ୟରୁ ୧୯ଟି ସେଣ୍ଟର୍‌ ବିଭିନ୍ନ ଥାନାରେ ହୋଇଛି। ଏହି ନୋଡାଲ୍ ସେଣ୍ଟରଗୁଡ଼ିକ ଦିନରାତି ସୁରକ୍ଷାକର୍ମୀଙ୍କ ପହରାରେ ରହିଛି।

ପୁଲିସ୍ କର୍ମଚାରୀଙ୍କ ସହାୟତାରେ ପ୍ରଶ୍ନପତ୍ରଗୁଡ଼ିକୁ ପରୀକ୍ଷା କେନ୍ଦ୍ରକୁ ନିଆଯିବ ବୋଲି ମାଧ୍ୟମିକ ଶିକ୍ଷା ପରିଷଦ ନିୟନ୍ତ୍ରକ ନିହାର ରଞ୍ଜନ ମହାନ୍ତି କହିଛନ୍ତି। ସମ୍ବେଦନଶୀଳ ଓ ଅତି ସମ୍ବେଦନଶୀଳ କେନ୍ଦ୍ରରେ ୧୪୪ ଧାରା ଜାରି କରିବାକୁ ମଧ୍ୟ ନିର୍ଦ୍ଦେଶ ରହିଥିବା ସେ କହିଛନ୍ତି।

You might also like