ଆରମ୍ଭ ହେଲା ମାଟ୍ରିକ୍‌ ପରୀକ୍ଷା

ଭୁବନେଶ୍ୱର: ଆଜିଠୁ ମାଟ୍ରିକ୍‌ ପରୀକ୍ଷା ଆରମ୍ଭ ହୋଇଛି। ଆଜି ମାତୃଭାଷା ଓଡ଼ିଆ ବିଷୟରେ ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି। ସକାଳ ୯ଟା ୩୦ରେ OMR ସିଟ୍ ଓ ୯ଟା ୪୫ରେ ପିଲାଙ୍କୁ ପ୍ରଶ୍ନପତ୍ର ଦିଆଯିବା ପରେ ଠିକ୍ ୧୦ଟାରୁ ପରୀକ୍ଷା ଆରମ୍ଭ ହୋଇ ସାଢେ ୧୨ଟା ଯାଏ ଚାଲିଥିଲା।

ପରୀକ୍ଷାକୁ ନେଇ କେଉଁଠି ପିଲାଙ୍କ ମନରେ ସାମାନ୍ୟ ଭୟ ଥିଲେ ବି ଠିକ୍‌ଠାକ୍‌ ପ୍ରସ୍ତୁତି ହୋଇଥିବାରୁ ପରୀକ୍ଷା ଭଲ ହେବ ବୋଲି ପରୀକ୍ଷାର୍ଥୀ କହିଛନ୍ତି।

ଚଳିତ ବର୍ଷ ସବଜେକ୍‌ଟିଭ୍‌ ପାଇଁ ୪ଟି ଓ ଅବଜେକ୍‌ଟିଭ୍‌ ପାଇଁ ୪ଟି ଲେଖାଏ ସମାନ୍ତରାଳ ସେଟ୍ ପ୍ରଶ୍ନପତ୍ର କରାଯାଇଛି। ଏଥିସହ ପରୀକ୍ଷାର୍ଥୀଙ୍କୁ ଉଭୟ ସବଜେକ୍‌ଟିଭ୍‌ ଓ ଅବଜେକ୍‌ଟିଭ୍‌ରେ ପାସ୍ ଲାଗି ଅତିକମ୍‌ରେ ୧୫ ମାର୍କ ଲେଖାଏ ରଖିବାକୁ ପଡ଼ିବ।

You might also like