ଭୁବନେଶ୍ୱର: ଭୁବନେଶ୍ୱର ରେଳ ଷ୍ଟେସନ୍ ବାହାରେ ଅଗ୍ନିକାଣ୍ଡ। ରେଳ ଷ୍ଟେସନ୍ର ଯାତ୍ରୀ ବିଶ୍ରାମ ଗୃହ ନିକଟରେ ଆଜି ସକାଳେ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି। ସକାଳ ପ୍ରାୟ ୮ଟା ୩୦ ମିନିଟ୍ ସମୟରେ ଏହି ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି।
ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା। ନିଆଁ ଲାଗିବା ପରେ ବିଶ୍ରାମ ଗୃହ ଭିତରେ ଧୂଆଁ ପଶି ଯିବାରୁ ଯାତ୍ରୀମାନେ ଭୟଭୀତ ହୋଇ ବାହାରକୁ ଚାଲି ଆସିଥିଲେ। ବିଶ୍ରାମ ଗୃହ ନିକଟରେ ଥିବା ପ୍ଲାଷ୍ଟିକ୍ ସାମଗ୍ରୀରୁ ଅଗ୍ନିକାଣ୍ଡ ଘଟିଥିବା କୁହାଯାଉଥିବା ବେଳେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ି ନାହିଁ।
ଅନ୍ୟପଟେ, ଅଗ୍ନିକାଣ୍ଡରେ କୌଣସି ଅଘଟଣ ଘଟିନଥିବା ସୂଚନା ମିଳିଛି।
ଭୁବନେଶ୍ୱର ରେଳ ଷ୍ଟେସନ୍ର ଯାତ୍ରୀ ବିଶ୍ରାମ ଗୃହ ପାଖରେ ଅଗ୍ନିକାଣ୍ଡ: ବିଶ୍ରାମ ଗୃହ ଭିତରେ ଧୂଆଁ ପଶିଯିବାରୁ ବାହାରକୁ ବାହାରି ଆସିଲେ ଯାତ୍ରୀ, ନିଆଁ ଆୟତ୍ତ, ଅଗ୍ନିକାଣ୍ଡରେ କୌଣସି ଅଘଟଣ ଘଟି ନଥିବା ସୂଚନା #Odisha pic.twitter.com/gfz8TAIpY5
— ଓଟିଭି (@otvkhabar) 1 February 2019