ମାଓବାଦୀଙ୍କ ଝାଡ଼ଖଣ୍ଡ ବନ୍ଦ ଡାକରା

ଭୁବନେଶ୍ୱର: ଆଜି ସରୁଛି ମାଓବାଦୀଙ୍କ ସହିଦ ସପ୍ତାହ। ସହିଦ ସପ୍ତାହର ଶେଷ ଦିନରେ ଆଜି ଝାଡ଼ଖଣ୍ଡ ବନ୍ଦ ଡାକରା ଦେଇଛନ୍ତି ମାଓବାଦୀ। ମାଓବାଦୀଙ୍କ ଝାଡ଼ଖଣ୍ଡ ବନ୍ଦ ଡାକରାକୁ ଦୃଷ୍ଟିରେ ରଖି ଓଡ଼ିଶାର ସୀମାନ୍ତ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି।

ଓଡ଼ିଶା ପୁଲିସ ଏବଂ ସିଆରପିଏଫ ପକ୍ଷରୁ ବିଶ୍ରା, ଚାନ୍ଦିପୋଷ, ଟୋପାଡ଼ିହି, କେ. ବଲାଙ୍ଗ ଅଞ୍ଚଳରେ କମ୍ବିଂ ଅପରେସନ୍‌ ଜୋରଦାର କରାଯାଇଛି। ସେହିଭଳି ରାଉରକେଲାରୁ ଝାଡ଼ଖଣ୍ଡ ଏବଂ ବିହାର ଯାଉଥିବା ୬୦ରୁ ଅଧିକ ବସ୍ ଚଳାଚଳ ବନ୍ଦ ରହିଛି।

ଫଳରେ ଯାତ୍ରୀଙ୍କୁ ହନ୍ତସନ୍ତ ହେବାକୁ ପଡ଼ିଛି। ନିରୀହ ଲୋକଙ୍କୁ ପୁଲିସର ଅତ୍ୟାଚାର ଅଭିଯୋଗରେ ପ୍ରତିବାଦ ସ୍ୱରୂପ ମାଓବାଦୀମାନେ ଗତ ଜୁଲାଇ ୨୮ରୁ ସହିଦ ସପ୍ତାହ ପାଳନ କରି ଆସୁଛନ୍ତି।

 

You might also like