ଆଜିଠାରୁ ମାଓବାଦୀଙ୍କ ସହିଦ ସପ୍ତାହ ଆରମ୍ଭ

ଭୁବନେଶ୍ୱର: ଆଜିଠାରୁ ମାଓବାଦୀମାନେ ସହିଦ ସପ୍ତାହ ପାଳନ କରୁଛନ୍ତି। ଏହାକୁ ନଜରରେ ରଖି ମାଲକାନଗିରି ପୋଲିସ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ସୀମାକୁ ସିଲ୍‌ କରାଯିବା ସହ ରାସ୍ତାଘାଟରେ ଯାଞ୍ଚ କରାଯାଉଛି। ବିଏସଏଫ୍ ଓ ପୋଲିସ ତରଫରୁ ବିଭିନ୍ନ ସ୍ଥାନରେ କମ୍ବିଂ ଅପରେଶନ ଚାଲିଛି।

ସେପଟେ ସହିଦ ସପ୍ତାହ ପାଳନ ପାଇଁ ଗାଁ ଗାଁରେ ଶ୍ରଦ୍ଧାଞ୍ଜଳି ସଭା ଆୟୋଜନ କରିବାକୁ ମାଓବାଦୀମାନେ ଆହ୍ୱାନ ଦେଇଛନ୍ତି। କୋରାପୁଟ- ମାଲକାନଗିରି ବର୍ଡର ଡିଭିଜନର ସମ୍ପାଦକ ମାଓନେତା ବେଣୁ ଏକ ଅଡିଓ ଟେପ୍ ଜାରି କରି ସରକାରଙ୍କ ନକ୍ସଲ ବିରୋଧୀ ସମାଧାନ ଯୋଜନାକୁ ବିରୋଧ କରିଛନ୍ତି।

ରାଜ୍ୟରେ ପୂର୍ବ ତୁଳନାରେ ମାଓବାଦୀଙ୍କ ସଂଖ୍ୟାରେ ହ୍ରାସ ପାଇଛି। ବର୍ତ୍ତମାନ ମାତ୍ର ୧୦ ପ୍ରତିଶତ ମାଓବାଦୀ ସକ୍ରିୟ ରହିଛନ୍ତି। କୌଣସି ଉନ୍ନୟନ କାମରେ ପ୍ରତିବନ୍ଧକ ନସାଜି ନକ୍ସଲମାନେ ବନ୍ଧୁକ ଛାଡ଼ି ସହ ସମାଜର ମୁଖ୍ୟସ୍ରୋତରେ ସାମିଲ ହୁଅନ୍ତୁ ବୋଲି ପୂର୍ବରୁ ଆହ୍ୱାନ କରିଥିଲେ ଡିଜିପି ଅଭୟ।

You might also like