କେଟଲିରେ ବିଦ୍ୟୁତ୍‌ ତାର ସଂଯୋଗ କରି ରାସ୍ତା ଅବରୋଧ କଲେ ମାଓବାଦୀ

ଉମରକୋଟ(କାର୍ତ୍ତିକ ମଲ୍ଲିକ): ନବରଙ୍ଗପୁର ଜିଲ୍ଲାର ଉପାନ୍ତ ତଥା ଆଦିବାସୀ ଅଧ୍ୟୁଷିତ ରାଇଘର ଅଞ୍ଚଳରେ ପୁଣି ମାଓ ପୋଷ୍ଟର ଓ ବ୍ୟାନର୍‌ ଦେଖିବାକୁ ମିଳିଛି। ବିଭିନ୍ନ ଦାବି ନେଇ ସରକାରଙ୍କ ବିରୋଧରେ ଲଢେଇ କରିବାକୁ ମାଓବାଦୀମାନେ ଆହ୍ୱାନ ଦେଇଛନ୍ତି। କିଛି ଦିନର ବ୍ୟବଧାନ ପରେ ରାଇଘର ବ୍ଲକ୍ ଅନ୍ତର୍ଗତ ହାତୀଗାଁ ନିକଟରେ ଏଭଳି ମାଓ ପୋଷ୍ଟର ଓ ବ୍ୟାନର୍‌ ଦେଖିବାକୁ ମିଳିଛି।

ମାଓବାଦୀମାନେ ରାସ୍ତା ଉପରେ ଗଛ ପକାଇବା ସହ ଗାତ ଖୋଳିଛନ୍ତି। ଏହାସହ ମାଓବାଦୀମାନେ ଏକ କେଟଲିରେ ବିଦ୍ୟୁତ୍‌ ତାର ସଂଯୋଗ କରି ରଖିଥିବାବେଳେ ରାସ୍ତା ଉପରେ ଦୁଇଟି ବ୍ୟାନର୍‌ ଓ ପୋଷ୍ଟର ଲଗାଇଥିବା ଦେଖିବାକୁ ମିଳିଛି। ମେନପୁର-ନୂଆପଡା ମାଓବାଦୀ ଡିଭିଜନ ପକ୍ଷରୁ ଏହି  ବ୍ୟାନର୍‌ ଓ ପୋଷ୍ଟର ଲଗା ଯାଇଥିବା ଜଣାପଡ଼ିଛି।

୧୧ଟି ଦାବି ନେଇ ସରକାରଙ୍କ ବିରୋଧରେ ଲଢେଇ କରିବାକୁ ବ୍ୟାନର୍‌ ମାଧ୍ୟମରେ ମାଓବାଦୀମାନେ ଲୋକଙ୍କୁ ଆହ୍ୱାନ କରିଛନ୍ତି। ନବରଙ୍ଗପୁର ଜିଲ୍ଲା ତଥା ପଡୋଶୀ ରାଜ୍ୟ ଛତିଶଗଡ଼ର ସୀମାନ୍ତରେ ହାତୀଗାଁ ରହିଛି।

You might also like