ଦିନକ ପରେ ମକର ସଂକ୍ରାନ୍ତି ; ଚଳଚଞ୍ଚଳ ମୟୂରଭଞ୍ଜ

ମୟୂରଭଞ୍ଜ : ଦିନକ ପରେ ମକର ସଂକ୍ରାନ୍ତି। ଘରେ ଘରେ ଏହାକୁ ନେଇ ପ୍ରସ୍ତୁତି ଆରମ୍ଭ ହୋଇଛି। ଏଥିପାଇଁ ଚଳଚଞ୍ଚଳ ହୋଇ ଉଠିଛି ମୟୂରଭଞ୍ଜ ଜିଲ୍ଲା। ଚାଲିଛି ଘରର ଲିପାପୋଛା, ଅଙ୍କା ଯାଉଛି ରଙ୍ଗବେରଙ୍ଗରେ ଚିତ୍ର। ଏହାକୁ ଗଣପର୍ବ ରୂପେ ପାଳନ କରନ୍ତି ଏହି ଜିଲ୍ଲାବାସୀ।

ଆଦିବାସୀ ବହୁଳ ଏହି ଜିଲ୍ଲାରେ ଏହି ପର୍ବକୁ ୩ ଦିନ ଧରି ପାଳନ କରାଯାଏ। ଘରେ ଘରେ ପିଠାପଣା କରାଯିବ ସହ ମାଂସଭାତର ଆସର ଜମେ। ଏହି ଦିନରେ ନୂଆଲୁଗା ପିନ୍ଧି ଅଲତା ଲଗାଇ ନାଚଗୀତର ବି ମଜ୍ଜା ଉଠାଥାନ୍ତି ଏଠିକାର ଲୋକେ।

କିଏ ଡ୍ରେସ୍‌ କିଣିବାରେ ବ୍ୟସ୍ତ ତ ଆଉ କିଏ ଚାଉଳ କିଣିବାରେ । ବଜାରେ ଖଚାକଚ୍ ଭିଡ଼। ସମସ୍ତେ ନୂଆ ନୂଆ ଜିନିଷ ପତ୍ର କିଣିବାରେ ଲାଗିପଡିଛନ୍ତି ।

You might also like