ଲକ୍ଷ୍ନୌ: ଲକ୍ଡାଉନ୍ ଡ୍ୟୁଟିରେ ଥିବା ପୋଲିସ୍କୁ ପଥର ଫିଙ୍ଗା ଘଟଣା ସାମ୍ନାକୁ ଆସିଛି। ଉତ୍ତରପ୍ରଦେଶ ଆଲିଗଡ଼ରେ ପୋଲିସ୍ ଫୋର୍ସ ଉପରେ ଅତର୍କିତ ପଥର ମାଡ଼ କରିଛନ୍ତି ସ୍ଥାନୀୟଲୋକେ।
ଆଜି ସକାଳୁ ଲକ୍ଡାଉନ୍ କଡ଼ାକଡ଼ି କରିବାକୁ ସହରରେ ପୋଲିସ୍ ପଇନ୍ତରା ମାରିଥିଲେ। ତେବେ ଏହି ସମୟରେ କିଛି ଲୋକ ବାହାରେ ବୁଲୁଥିବା ଅଭିଯୋଗ ହୋଇଥିଲା। ଯାହାକୁ ନେଇ ପୋଲିସ୍ ଓ ଲୋକଙ୍କ ମଧ୍ୟରେ ଯୁକ୍ତିତର୍କ ଭଳି ପରିସ୍ଥିତି ସୃଷ୍ଟି ହୋଇଥିଲା।
ଏହାପରେ ପୋଲିସ୍ ଉପରକୁ ସ୍ଥାନୀୟଲୋକେ ପଥର ମାଡ଼ କରିଥିଲେ। କିଛି ପୋଲିସ୍ ଅଧିକାରୀ ଏଥିରେ ଆହତ ହୋଇଛନ୍ତି। ଏପରିକି ମହିଳା ପୋଲିସ୍ ଅଧିକାରୀଙ୍କୁ ବି ମାଡ଼ ମାରିବାରେ ପଛାଇ ନାହାନ୍ତି ଲୋକେ।
ଘଟଣା ପରେ ଅଞ୍ଚଳରେ ଫୋର୍ସ ବଢ଼ାଯାଇଛି। ସେହିପରି ଆହତ ପୋଲିସ୍ ଅଧିକାରୀଙ୍କୁ ମେଡିକାଲ୍ରେ ଭର୍ତ୍ତି କରାଯାଇଛି।