ମହିଳାଙ୍କୁ ଦୁର୍ବ୍ୟବହାର ମାମଲାରେ ବିଡିଓ ଅଟକ

ନୂଆପଡ଼ା ( ମାୟାଧର ସରାଫ) : ମହିଳାଙ୍କୁ ଦୁର୍ବ୍ୟବହାର ମାମଲାରେ ନୂଆପଡ଼ା ଜିଲ୍ଲା କୋମନା ବ୍ଲକର ବିଡିଓ ଥାନାରେ ଅଟକ।  ଗତକାଲି ସଂଧ୍ୟାରେ ନୂଆପଡ଼ାର ଏକ ହୋଟେଲରେ ରାତ୍ରି ଭୋଜନ ବେଳେ ଜଣେ ମହିଳାଙ୍କୁ ବିଡ଼ିଓ ଶ୍ୟାମଳ ରାୟ ଦୁର୍ବ୍ୟବହାର କରିଥିବା ସଦର ଥାନାରେ ଅଭିଯୋଗ ହୋଇଥିଲା।

ଅଭିଯୋଗ ଆଧାରରେ ପୁଲିସ ବିଡିଓଙ୍କୁ ଥାନାରେ ଅଟକ ରଖି ପଚରାଉଚରା କରୁଛି। ତେବେ ଏହି ଅଭିଯୋଗକୁ ବିଡିଓ ଅସ୍ୱୀକାର କରିବା ସହ ପାଲଟା ତାଙ୍କୁ ହତ୍ୟା ଧମକ ଦିଆଯାଉଥିବା ସେ ଅଭିଯୋଗ ଆଣିଛନ୍ତି।

ଅଭିଯୋଗ ଆଧାରରେ ମାମଲାର ତଦନ୍ତ ଚାଲିଛି ବୋଲି ନୂଆପଡ଼ା ଆଇଆଇସି କହିଛନ୍ତି। ତେବେ ଏହି ପ୍ରସଙ୍ଗରେ ଦୁଇ ପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ।

You might also like