ଗଜପତିର ଶିଶୁକନ୍ୟାକୁ ପୋଷ୍ୟ ସନ୍ତାନ ଭାବେ ଗ୍ରହଣ କଲେ ଇଟାଲୀୟ ଦମ୍ପତି

ପାରଳାଖେମୁଣ୍ଡି: ଗଜପତି ଜିଲ୍ଲାର ଜଣେ ଶିଶୁକନ୍ୟାକୁ ଇଟାଲୀୟ ଦମ୍ପତି ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି। ଆଇନ୍‌ ଅନୁଯାୟୀ ସମସ୍ତ ଯାଞ୍ଚ ପରେ ଶିଶୁକନ୍ୟାକୁ ଗତକାଲି ଏହି ଦମ୍ପତିଙ୍କୁ ହସ୍ତାନ୍ତର କରାଯାଇଥିଲା।

ସୂଚନାଥାଉ କି, ଲକ୍‌ଡାଉନ୍ ଏବଂ ସଟ୍‌ଡାଉନ୍ ସମୟରେ ଜିଲ୍ଲାରେ ବିଭିନ୍ନ ଜାଗାରୁ ପରିତ୍ୟକ୍ତ ଭାବେ ପଡ଼ିଥିବା ଶିଶୁ ମାନଙ୍କୁ ଅଣାଯାଇ ଜିଲ୍ଲା ପ୍ରଶାସନ ପୋଷ୍ୟ ଗ୍ରହଣ କେନ୍ଦ୍ରରେ ସୁରକ୍ଷିତ ଭାବେ ରଖିଥିଲା।

ତେବେ ଆଇନ୍‌ ଅନୁଯାୟୀ ପୋଷ୍ୟ ସନ୍ତାନ ଗ୍ରହଣ କରିବାକୁ କିଛି ଦମ୍ପତି ‌ଅନ୍‌ଲାଇନ୍‌ରେ ଆବେଦନ କରିଥିଲେ। ସମସ୍ତ ଯାଞ୍ଚ କରାଯାଇ ୩ କନ୍ୟାରତ୍ନଙ୍କୁ ଆବେଦନ କରିଥିବା ଦମ୍ପତିଙ୍କୁ ଗତକାଲି ହସ୍ତାନ୍ତର କରାଯାଇଛି। ଦୁଇ ଜଣ ଶିଶୁଙ୍କୁ ପଶ୍ଚିମବଙ୍ଗର ୨ ଦମ୍ପତିଙ୍କୁ ହସ୍ତାନ୍ତର କରାଯାଇଥିବା ବେଳେ ଅନ୍ୟ ଜଣେ ଶିଶୁଙ୍କୁ ଇଟାଲୀରେ ରହୁଥିବା ଦମ୍ପତି ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି।

କନ୍ୟାରତ୍ନକୁ କୋଳରେ ପାଇ  ଇଟାଲୀରୁ ଆସିଥିବା ଏହି ଦମ୍ପତି ବେଶ୍ ଖୁସି ଥିବା ଦେଖିବାକୁ ମିଳିଛି।

You might also like