ଟେଷ୍ଟିଂ କମ୍ କରି ପଜିଟିଭ୍ କମ୍ ଦର୍ଶାଇବାକୁ ଚାହୁଁଛନ୍ତି କି ସରକାର ?

ଭବନେଶ୍ୱର: ସଂକ୍ରମିତଙ୍କ ସଂଖ୍ୟା ବଢୁଥିଲା ବେଳେ କାହିଁକି କମୁଛି କୋଭିଡ୍ ଟେଷ୍ଟିଂ ଏହି ମର୍ମରେ ଆଜି ଦିଲ୍ଲୀ ସରକାରଙ୍କୁ ସୁପ୍ରିମ୍‌କୋର୍ଟଙ୍କ ଭର୍ସନା ପରେ ଓଡ଼ିଶାରେ ମଧ୍ୟ ଟେଷ୍ଟିଂ ସଂଖ୍ୟା ହ୍ରାସକୁ ନେଇ ପ୍ରଶ୍ନ ଉଠିଛି। ଦୈନିକ ୧୫ ହଜାର ଟେଷ୍ଟ ପାଇଁ ମେ ୫ ତାରିଖରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ସତ୍ତ୍ୱେ ଚଳିତ ମାସ କୌଣସି ଗୋଟିଏ ଦିନ ସଂଖ୍ୟା ୪ ହଜାର ବି ଛୁଇଁନି। ଯାହାକୁ ନେଇ ଉଦ୍‌ବେଗ ସୃଷ୍ଟି ହୋଇଛି।

ଟେଷ୍ଟିଂ କମୁଥିବାରୁ ଦିଲ୍ଲାକୁ ସୁପ୍ରିମୋକର୍ଟ ଭର୍ସନା କରିବା ପରେ ଓଡ଼ିଶାରେ କିଭଳି ଅଛି ଟେଷ୍ଟିଂର ସ୍ଥିତି ? କଣ ଥିଲା ଯୋଜନା, ହୋଇଛି କେତେ? ଆସନ୍ତୁ ଜାଣିବା।

ରାଜ୍ୟ ସରକାରଙ୍କର ଯୋଜନା ଥିଲା ବଢୁଥିବା ସଂକ୍ରମଣକୁ ଦେଖି ଜୁନ୍‌ରେ ପ୍ରତିଦିନ ୧୫ ହଜାର ଲୋକଙ୍କ କରୋନା ଟେଷ୍ଟ ହେବ। ଏପରିକି ଦୈନକ ପରୀକ୍ଷଣ ୧୫ ହଜାରକୁ ବଢ଼ାଇବାକୁ ମେ ୫ ତାରିଖରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ମେ ୧୯, ୨୧, ୨୨ ଓ ୨୩ ତାରିଖରେ ସଂଖ୍ୟା ୫ ହଜାର ବି ଡେଇଁଥିଲା। ହେଲେ ଜୁନ୍ ମାସରେ ଆକ୍ରାନ୍ତଙ୍କ ସଂଖ୍ୟାରେ ଦ୍ରୁତ ବୃଦ୍ଧି ବେଳେ ଆଶ୍ଚର୍ଯ୍ୟଜନକ ଭାବେ ଦୈନିକ ଟେଷ୍ଟିଂ ସଂଖ୍ୟା ବଢ଼ିବ କଣ ୪ ହଜାର ବି ଛୁଉଁନି। ବିଗତ ୫ ଦିନର ହିସାବକୁ ଦେଖିଲେ ଜୁନ୍ ୭ରେ ୩ ହଜାର ୩୧୭, ୮ ତାରିଖରେ ୨ ହଜାର ୯୬୯, ୯ରେ ୩ ହଜାର ୨୬, ୧୦ରେ ୩ ହଜାର ୩୩୩, ଆଉ ୧୧ ତାରିଖରେ ମାତ୍ର ୩ ହଜାର ୮୩୩ ଟେଷ୍ଟିଂ କରାଯାଇଛି।

ତେବେ ପ୍ରଶ୍ନ ଉଠୁଛି ଏହା ପଛର କାରଣ କଣ? ରାଜ୍ୟକୁ ଏହା ଭିତରେ ୫ ଲକ୍ଷରୁ ଊର୍ଦ୍ଧ୍ୱ ପ୍ରବାସୀ ଆସି ସାରିଥିଲା ବେଳେ ଟେଷ୍ଟିଂ କାହିଁକି କମୁଛି ? ଟେଷ୍ଟିଂ କମ୍ କରି ପଜିଟିଭ୍ କମ୍ ଦର୍ଶାଇବାକୁ ଚାହୁଁଛନ୍ତି କି ସରକାର ? ଏପରିକି କ୍ୱାରେଣ୍ଟିନ୍‌ରେ ଥିବା ଲୋକଙ୍କୁ ବିନା ଟେଷ୍ଟରେ ଘରକୁ ପଠାଯିବାକୁ ନେଇ ବି ଅଡୁଆ ପରିସ୍ଥିତି ସୃଷ୍ଟି ହୋଇଛି। ୭ ଦିନିଆ ସରକାରୀ କ୍ୱାରେଣ୍ଟିନ୍ ପରେ ପ୍ରବାସୀଙ୍କୁ କେଉଁଠି ଲୋକେ ଗାଁରେ ପୂରାଇ ଦେଉ ନାହାନ୍ତି, ତ କିଏ ନିଜ ପରିବାରର ସୁରକ୍ଷା ଦୃଷ୍ଟିରୁ ଘରକୁ ଯିବାକୁ ଡରୁଛନ୍ତି। କ୍ୱାରେଣ୍ଟିନ୍ ସେଣ୍ଟରରୁ ଟେଷ୍ଟ ନେଇ ଦାବି ବି ବଢୁଛି।

ତେବେ ବିଶେଷଜ୍ଞଙ୍କ ମତରେ ଆଇସିଏମ୍ଆର୍‌ର ନୂଆ ଗାଇଡ୍ ଲାଇନ୍ ଅନୁସାରେ ଟେଷ୍ଟିଂ ହେଉଥିବାରୁ ସଂଖ୍ୟା କମୁଛି। ଅଧିକ ସଂଖ୍ୟାରେ ଟେଷ୍ଟ ଓ କଣ୍ଟାକ୍ଟ ଟ୍ରେସିଂ କରୋନା ବିରୋଧୀ ଲଢ଼େଇରେ ବିଜୟର ପ୍ରମୁଖ ଅସ୍ତ୍ର ବୋଲି କୁହାଯାଉଛି। ହେଲେ ଆକ୍ରାନ୍ତଙ୍କ ସଂଖ୍ୟାରେ ଦ୍ରୁତ ବୃଦ୍ଧି ବେଳେ ଟେଷ୍ଟିଂ କମିବା ଉଦ୍‌ବେଗ ସୃଷ୍ଟି କରିଛି।

ଆହୁରି ପଢ଼ନ୍ତୁ

ବରମୁଣ୍ଡା ବସ୍ ଷ୍ଟାଣ୍ଡ ହେବ ISBT

ଅଧ୍ୟାପକ ସ୍ୱାମୀଙ୍କ ବିରୋଧରେ ନିର୍ଯାତନା ଅଭିଯୋଗ ଆଣିଲେ ମହିଳା IIC

ମହଙ୍ଗା ପଡ଼ିଲା କ୍ଷମତାର ଅପବ୍ୟବହାର: ଆଦିବାସୀଙ୍କ ଘର ଭାଙ୍ଗିଥିବା ମହିଳା ସରପଞ୍ଚ ନିଲମ୍ବିତ

ହୋଟେଲରେ ଚାଲିଥିଲା ସେକ୍ସ ରାକେଟ୍, ୨ ମହିଳାଙ୍କ ସମେତ ଗ୍ରାହକ ଓ ହୋଟେଲ ମ୍ୟାନେଜର ଅଟକ

ସୁପ୍ରିମକୋର୍ଟ ଗଲେ ବର୍ଷା

ଓଡ଼ିଶାରେ କରୋନା ସ୍ଥିତି: ଦିନକରେ ୯ କରୋନା ଆକ୍ରାନ୍ତଙ୍କ ମୃତ୍ୟୁ

Corona Update In Odisha: ୨୪ ଘଣ୍ଟାରେ ୪,୨୦୯ ପଜିଟିଭ୍‌ ଚିହ୍ନଟ

ଏକାଧିକ ଦୋକାନ ଉପରକୁ ଚଢ଼ି ଓଲଟି ପଡ଼ିଲା ଟ୍ରକ୍‌

ଶୁଦ୍ଧିକ୍ରିୟାରେ ଯୋଗ ଦେଇ ଘରକୁ ଫେରୁଥିଲେ, ବାଟରେ ଘଟିଲା ଦୁର୍ଘଟଣା

ଭୁବନେଶ୍ୱରରେ ୪୧ ଦୋକାନ ସିଲ୍‌, ୨୮୩୩ ଜଣଙ୍କୁ ଫାଇନ୍‌; କଟକରେ ବି ଆକ୍ସନ ମୋଡ୍‌ରେ ପୋଲିସ୍

ନା ଥିଲା ମାସ୍କ ନା ଥିଲା ସାମାଜିକ ଦୂରତା: କରୋନା କଟକଣାକୁ ଫୁ’ କରି ଧୁମ୍‌ଧାମ୍‌ରେ ଚାଲିଥିଲା ବିଶ୍ୱକର୍ମା ଭସାଣ

SCB କୋଭିଡ୍‌ ୱାର୍ଡରେ‌ ଅବ୍ୟବସ୍ଥା ଘଟଣାର ତଦନ୍ତ କରିବ ୩ ଜଣିଆ କମିଟି

You might also like