• translate
Satyendu Shekher Mishra

ଭୁବନେଶ୍ୱର: KYC ଅପଡେଟ୍ କରିବା ବାହାନାରେ ଲୁଟି ନେଲେ ୬୦ ହଜାର ଟଙ୍କା । ଲୁଟର ଶିକାର ହୋଇଛନ୍ତି ଭୁବନେଶ୍ୱରର ଜଣେ ଶିକ୍ଷୟିତ୍ରୀ । ଫୋନ୍ ଓ ବ୍ୟାଙ୍କ ଆକାଉଣ୍ଟ ବ୍ଲକ ହୋଇ ଯାଇଥିବା କହି ସାଇବର ଠକ, ଶିକ୍ଷୟିତ୍ରୀ ପ୍ରିୟଦର୍ଶନୀ ଯୋଶୀଙ୍କୁ ଫୋନ୍ କରିଥିଲା । ପ୍ରଥମେ କଥା ଛଳରେ ତାଙ୍କ ବିଶ୍ୱାସ ଜିତି ନିଜ ଫୋନ୍ ଓ ତାଙ୍କ ବାପାଙ୍କ ଫୋନ୍‌ରେ କିଛି ଆପ୍ ଡାଉନଲୋଡ୍‌ କରିବାକୁ କହିଥିଲା ।

ଏହାପରେ ଠକ ଜଣକ ନିଜ ନମ୍ବରକୁ ୧୦ ଟଙ୍କା ରିଚାର୍ଜ କରିବାକୁ କହିଥିଲେ । ଡାଉନ୍‌ଲୋଡ ହୋଇଥିବା ଆପ୍ ଜରିଆରେ ସେ ପ୍ରୀୟଦର୍ଶନୀଙ୍କ ଫୋନ୍‌କୁ ଆସେସ୍ କରି ଅନଲାଇନ୍‌ରେ ଲୁଟି ନେଇଛନ୍ତି ୬୦ ହଜାର ଟଙ୍କା । ପ୍ରଥମେ ପ୍ରାୟ ୫ ହଜାର ଟଙ୍କା ଦୁଇ ଥର ଓ ପରେ ୨୫ ହଜାର ଭାବେ ଦୁଇ ଥର ।

ଏପରି ୪ଟି କିସ୍ତିରେ ଲୁଟେରା ପ୍ରୀୟଦର୍ଶନୀଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ଗାଏବ କରିଛି । ଏନେଇ କମିଶନରେଟ୍ ପୋଲିସର ସାଇବର ସେଲ୍‌ରେ ସେ ମାମଲା ଦାଏର କରିଛନ୍ତି । ଗତ ୨୮ ତାରିଖରୁ ଅଭିଯୋଗ ହୋଇଥିବା ସତ୍ତ୍ୱେ ଏଯାଏଁ କୌଣସି ପଦକ୍ଷେପ ନିଆଯାଇନଥିବା ସେ ଅଭିଯୋଗ କରିଛନ୍ତି ।

Other Stories