ଶିକାର କରିବାକୁ ଯାଇ ନିଜ ଗୁଳିରେ ନିଜେ ହେଲେ ଶିକାର

ସମ୍ବଲପୁର: ଶିକାର କରିବାକୁ ଯାଇ ଶିକାର ହୋଇଗଲା ଶିକାରୀ । ନିଜ ଗୁଳିର ଶିକାର ସେ ନିଜେ ହେଲେ। ଘଟଣା ଘଟିଛି ସମ୍ବଲପୁର ଜିଲ୍ଲା କିସିଣ୍ଡା ଥାନା ଗଂଜାବାହାଲ ଗାଁରେ।  ମୃତକ ହେଲେ ବାହାଦୁର ସିଂ।  ଗତ ଶୁକ୍ରବାର ସେ ନିଜର ୩ ସହଯୋଗୀଙ୍କ ସହିତ ଜଙ୍ଗଲକୁ ଶିକାର କରିବାକୁ ଯାଇଥିଲେ । ଏକ ମୟୂରକୁ ନିଜ ଦେଶୀ ବନ୍ଧୁକରେ ପିଟିବାକୁ ଚେଷ୍ଟା କରିବା ବେଳେ ମୟୂର ବସିଥିବା ପଥରରେ ପିଟି ହୋଇଥିଲା ବନ୍ଧୁକରେ।  ଏହା ଦ୍ୱାରା ସେଥିରୁ ଗୁଳି ଫୁଟି ବାହାଦୁରଙ୍କ ଦେହରେ ବାଜିଥିଲା ।

ଗୁରୁତର ଅବସ୍ଥାରେ ସହଯୋଗୀମାନେ ତାଙ୍କୁ ଡାକ୍ତରଖାନା ଆଣୁଥିବା ବେଳେ ବାଟରେ ତାଙ୍କର ମୃତ୍ୟୁ ହୋଇଥିଲା । ତେଣୁ ଭୟରେ ସେମାନେ ତାକୁ ଜଙ୍ଗଲରେ ପୋତି ଦେଇଥିଲେ।  ପୋଲିସକୁ ଏ ସଂପର୍କରେ କୌଣସି ସୂତ୍ରରୁ ସୂଚନା ମିଳିବା ପରେ ବାହାଦୁରଙ୍କ ସହଯୋଗୀଙ୍କୁ ଘନ ଘନ ଜେରା କରାଗଲା।  ଏହା ପରେ ସେମାନେ ବଖାଣି ଥିଲେ ସତ ।

ଜଙ୍ଗଲରୁ ମୃତ ଦେହକୁ କାଢ଼ିବା ସହିତ ବ୍ୟବହୃତ ବନ୍ଧୁକକୁ ମଧ୍ୟ ପୋଲିସ ଜବତ କରିଛି ଏବଂ ୩ ଅଭିଯୁକ୍ତଙ୍କୁ ଗିରଫ କରିଛି  ।

You might also like