ଭୁବନେଶ୍ୱର: କୋରନା ଭଳି କଠିନ ସମୟରେ ବିଭିନ୍ନ ବେସରକାରୀ ସ୍କୁଲ ମାନଙ୍କରେ ଅହେତୁକ ଫି ବୃଦ୍ଧିକୁ ନେଇ ଦାୟର ରିଟ ପିଟିସନକୁ ଗ୍ରହଣ କରିଛନ୍ତି ହାଇକୋର୍ଟ। ଏହି ମାମଲାର ଶୁାଣାଣି କରି କେନ୍ଦ୍ର ସରକାର, CBSE , ICSE, ରାଜ୍ୟ ଗଣ ଶିକ୍ଷା ସଚିବ ଓ ଅନ୍ୟାନ୍ୟ ସମସ୍ତ ପ୍ରତିପକ୍ଷଙ୍କୁ ନୋଟିସ ଜାରି କରିଛନ୍ତି ।
ଅନଲାଇନ ପାଠପଢ଼ା ଜାରି ରଖିବା ପାଇଁ ଫି ଦେଇ ନଥିଲେ ମଧ୍ୟ ସମସ୍ତ ଛାତ୍ର ଛାତ୍ରୀଙ୍କୁ ଆଇଡି ଓ ପାସଓ୍ୱାର୍ଡ ପ୍ରଦାନ କରିବାକୁ ହାଇକୋର୍ଟ ନିର୍ଦେଶ ଦେଇଛନ୍ତି । କରୋନା ସଂକ୍ରମଣକୁ ଦୃଷ୍ଟିରେ ରଖି ମାର୍ଚ୍ଚ ଅଧାରୁ ସ୍କୁଲ ବନ୍ଦ କରାଗଲାଣି। ଜୁନ୍ ୧୭ ତାରିଖରେ ସ୍କୁଲ ଖୋଲିବ ବୋଲି କୁହାଯାଇଛି। ତେବେ କରୋନା ସ୍ଥିତିରେ ସୁଧାର ନ ଆସିଲେ ସ୍କୁଲ ଖୋଲିବ କି ନାହିଁ ସେ ନେଇ ସନ୍ଦେହ ସୃଷ୍ଟି ହୋଇଛି। ଏପରି ପରିସ୍ଥିତିରେ ସ୍କୁଲ ମାନଙ୍କରେ ଅନ୍ଲାଇନ କ୍ଲାସ ଚାଲିଛି।
ଲକ୍ ଡାଉନ୍ ପରିସ୍ଥିତିରେ ୪ ମାସ ପାଇଁ ସ୍କୁଲ୍ ଫି ଓ କେତେକ ସ୍କୁଲରେ ନିଆଯାଉଥିବା ଆନୁସଙ୍ଗିକ ଫି ଛାଡ କରିବାକୁ ଆବେଦନ ହୋଇଥିଲା । ଓଡିଶା ଅଭିଭାବକ ମହାସଂଘ ଅଧ୍ୟକ୍ଷ ବାସୁଦେବ ଭଟ୍ଟଙ୍କ ପକ୍ଷରୁ ଆଗତ ଏହି ମାମଲାରେ ବୃଦ୍ଧି କରାଯାଇଥିବା ଟିଉସନ୍ ଫି ପ୍ରତ୍ୟାହର କରିବା ପାଇଁ ଆବେଦନରେ ଉଲେଖ ରହିଥିଲା। ଆସନ୍ତା ୨୬ ତାରିଖରେ ମାମଲା ର ପରବର୍ତ୍ତୀ ଶୁଣାଣି ଧାର୍ଯ୍ୟ କରିଛନ୍ତି ହାଇକୋର୍ଟ ।