ବିଧାନସଭା ସାମ୍ନାରେ ଯୁବକଙ୍କ ହାଇଡ୍ରାମା: ପୁଅର ସ୍ୱାସ୍ଥ୍ୟକୁ ନେଇ ଏମିତି କହିଲେ ବାପା

ଭୁବନେଶ୍ୱର: ଗତକାଲି ବିଧାନସଭା ସମ୍ମୁଖରେ ଉନ୍ମତ୍ତକାଣ୍ଡ ଭିଆଇଥିବା ଯୁବକଙ୍କ ସ୍ୱାସ୍ଥ୍ୟାବସ୍ଥା କିପରି ଥିଲା ? ସେ ମାନସିକ ଭାରସାମ୍ୟ ହରାଇଥିଲେ କି ? ନା ଏହା ପଛରେ ରହିଛି ଆଉ କିଛି କାରଣ ? ଏନେଇ ପ୍ରତିକ୍ରିୟା ରଖିଛନ୍ତି ସମ୍ପୃକ୍ତ ଯୁବକଙ୍କ ବାପା। ‌

ପୁଅ ଭୁବନେଶ୍ୱରର ଏକ ଘରୋଇ କମ୍ପାନୀରେ କାମ କରୁଥିଲେ। ଘର ଭଡ଼ା ନେଇ ରହୁଥିଲେ। ସ୍ୱାସ୍ଥ୍ୟ ଯାଞ୍ଚ ପାଇଁ ମା’ଙ୍କୁ ଭୁବନେଶ୍ୱର ଡାକିଥିଲେ। ପୁଅ କାହିଁକି ଏପରି କଲା, ତାହା ଜାଣି ନ ଥିବା ଜିତେନ୍ଦ୍ର ପାଲ୍‌ଙ୍କ ବାପା ରମେଶ ପାଲ୍‌ କହିଛନ୍ତି। ଜିତେନ୍ଦ୍ର ମାନସିକ ଭାରସାମ୍ୟ ହରାଇଥିବା କଥାକୁ ବି ସେ ଜାଣିନଥିବା ତାଙ୍କ ବାପା କହିଛନ୍ତି।

୨୦୧୪ରେ ଏକ ହତ୍ୟା ମାମଲାରେ ରମେଶ ଓ ତାଙ୍କ ସ୍ତ୍ରୀ ସଜ୍ଜା କାଟି ସାରିଛନ୍ତି। ଏହି ମାମଲାରେ ପୁଅ ଜିତେନ୍ଦ୍ରଙ୍କ ନାଁ ବି ରହିଛି। ଏଠି ପ୍ରଶ୍ନ ଉଠୁଛି ଜିତେନ୍ଦ୍ର ଏସବୁ ଯୋଜନାବଦ୍ଧ ଭାବେ କରିଥିଲେ ନା ସତରେ ତାଙ୍କର ମାନସିକ ସମସ୍ୟା ଅଛି। ଗତକାଲିର ଘଟଣା ପରେ ତାଙ୍କୁ SCB ମାନସିକ ଚିକିତ୍ସା ବିଭାଗରେ ଭର୍ତ୍ତି କରାଯାଇଛି।

ସୂଚନାଥାଉ କି, କୋଭିଡ କଟକଣା ଭିତରେ ବିଧାନସଭା ମୌସୁମୀ ଅଧିବେଶନ ଚାଲିଥିବାବେଳେ ବିଧାନସଭା ସାମ୍ନାରେ ଗତକାଲି ଜଣେ ଯୁବକଙ୍କ ହାଇଡ୍ରାମା ଦେଖିବାକୁ ମିଳିଥିଲା। ବିଧାନସଭା ସାମ୍ନା ପିଏମ୍‌ଜି ଛକରେ ଜଣେ ଯୁବକ ଜଣେ ମହିଳାଙ୍କ ବେକରେ ଛୁରି ଲଗାଇ ଧମକ ଦେଇଥିଲେ। ଏହି ଘଟଣା ପରେ ପିଏମ୍‌ଜି ଛକରେ ହଇଚଇ ଖେଳି ଯାଇଥିଲା।

You might also like