କଟକ: ପ୍ରବାସୀ ଓଡ଼ିଆଙ୍କ ପଞ୍ଜିକରଣ ପାଇଁ କେବଳ ଆଧାର ନୁହେଁ , ସମସ୍ତ ସରକାରୀ ପରିଚୟ ପତ୍ର ଲାଗୁ ହେବ। ଏପରିକି କୌଣସି କାଗଜ ପତ୍ର ନଥିବା ଲୋକମାନେ ମଧ୍ୟ ସରପଞ୍ଚଙ୍କ ସ୍ୱୀକୃତି ପତ୍ର ଜରିଆରେ ପଞ୍ଜିକୃତ କରିପାରିବେ ବୋଲି କହିଛନ୍ତି ହାଇକୋର୍ଟ।
ଆବେଦନକାରୀ ମହେନ୍ଦ୍ର ପରିଡ଼ାଙ୍କ ପକ୍ଷରୁ ଆଗତ ଏକ ଜନସ୍ୱାର୍ଥ ମାମଲାର ଶୁଣାଣି କରି ହାଇକୋର୍ଟ ଏହା କହିଛନ୍ତି। ପୂର୍ବରୁ ପ୍ରବାସୀଙ୍କ ପାଇଁ ପଞ୍ଜୀକରଣ ବ୍ୟବସ୍ଥାରେ ଆଧାର କାର୍ଡ ଏକ ମାତ୍ର ପରିଚୟ ପତ୍ର ଭାବେ ଗ୍ରହଣ କରାଯାଉଥିଲା। ଏହା ଦ୍ୱାରା ଆଧାର ନିୟମର ଉଲଘଂନ ହେଉଥିବା ଦର୍ଶାଇ ମହେନ୍ଦ୍ର ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।
ଆଧାର ସମେତ ସରକାର ସ୍ଥିର କରିଥିବା ସମସ୍ତ ପରିଚୟ ପତ୍ରକୁ ଗ୍ରହଣ କରିବାକୁ ସେ ଆବେଦନରେ ଦର୍ଶାଇଥିଲେ। ଏଣିକି ପଞ୍ଜୀକରଣ ପାଇଁ ଆଧାର ସମେତ ଅନ୍ୟାନ୍ୟ ୧୯ଟି ପରିଚୟ ପତ୍ର କାର୍ଯ୍ୟକାରୀ ହେବ ବୋଲି ପଞ୍ଜୀକରଣ ପୋର୍ଟାଲ୍ରେ ଅପଡେଟ କରାଯାଇଛି।