ଭଦ୍ରକ: ଚାନ୍ଦବାଲି ତିହିଡ଼ି ଥାନା ସାହାପୁର ନୂଆଗାଁରେ ଅଭାବନୀୟ ଘଟଣା ଘଟିଛି। ପାଣିରେ ବୁଡ଼ି ୨ ନାତୁଣୀ ଏବଂ ଆଈଙ୍କ ମୃତ୍ୟୁ ହୋଇଛି।
ସୂଚନା ଅନୁଯାୟୀ ଆଜି ସକାଳେ ୨ ନାତୁଣୀ ଗାଁ ପୋଖରୀକୁ ଶୌଚ ହେବାକୁ ଯାଇଥିଲେ। ଆଉ ଶୌଚ ହେଉଥିବା ବେଳେ ଦୁଇଜଣ ପାଣିରେ ବୁଡ଼ି ଯାଇଥିଲେ।
ଉଭୟ ୯ ବର୍ଷର ଅଞ୍ଜନା ଓ ୧୦ ବର୍ଷର ଶ୍ରାବଣୀ ଦୀର୍ଘ ସମୟ ଯାଏ ନ ଫେରିବାରୁ ଆଈ ଦୁଇ ନାତୁଣୀଙ୍କୁ ଖୋଜିବାକୁ ଯାଇଥିଲେ।
୨ ନାତୁଣୀ ଭାସୁଥିବା ଦେଖି ଆଈ ଉଦ୍ଧାର ଉଦ୍ୟମ କରିଥିଲେ, ହେଲେ ପୋଖରୀରେ ଉଦ୍ଧାର ଉଦ୍ୟମ ବେଳେ ଆଈ ମଧ୍ୟ ପାଣି ବୁଡ଼ିଯାଇ ପ୍ରାଣ ହରାଇଥିଲେ।