ରିମାଣ୍ଡରେ ଗଲେ ଗୋଲଡେନ ବାବା

ଭୁବନେଶ୍ୱର : ଗୋଲଡେନ ବାବା ଓରଫ୍ ଜ୍ୟୋତି ରଂଜନ ବେଉରାଙ୍କୁ ରିମାଣ୍ଡରେ ନେଲା କ୍ରାଇମ୍‌ ବ୍ରାଞ୍ଚ ଅର୍ଥନୈତିକ ଅପରାଧ ଶାଖା। ଗୋଟିଏ ଦିନ ରିମାଣ୍ଡରେ ନେବାକୁ ଏସଡିଜେଏମ ଅନୁମତି ଦେବା ପରେ ଇଓଡବ୍ଲୁର ଏକ ନିର୍ଦ୍ଦିଷ୍ଟ ଟିମ୍ ଝାଡପଡ଼ା ଜେଲରୁ ଗୋଲଡେନ ବାବାଙ୍କୁ ନିଜ ଅକ୍ତିଆରକୁ ନେଇ ପଚରା ଉଚରା ଆରମ୍ଭ କରିଛି।

ଲକ୍ଷ୍ମୀସାଗର ଓ ଚନ୍ଦ୍ରଶେଖରପୁର ଥାନାର ଦୁଇଟି ମାମଲାକୁ ଇଓଡବ୍ଲୁ ନେଇ ତଦନ୍ତ ଆରମ୍ଭ କରିଛି। ଏତେ ସଂପତ୍ତିର ମାଲିକ କିପରି ହେଲେ, କୋଟି କୋଟି ଟଙ୍କା ଠକେଇ ପଛରେ କେବଳ ଗୋଲଡେନ ବାବା ନା ଆଉ କାହାର ସଂପୃକ୍ତି ରହିଛି।

ନେତାଙ୍କ ସହ ମାଳମାଳ ଫଟୋ ଥିବାରୁ ଗୋଲଡେନ ବାବାଙ୍କୁ ସେମାନେ ପ୍ରଶୟ ଦେଉଥିଲେ କି ? ରାଜନୈତିକ ବ୍ୟକ୍ତି ବିଶେଷଙ୍କ ସହ ଲିଙ୍କ ରଖି ଠକେଇ ହେଉଥିଲା କି ? ଏସବୁର ଖୋଳତାଡ୍‌ କରିବ ଇଓଡବ୍ଲୁ।

ପୂର୍ବରୁ କମିଶନରେଟ୍‌ ପୁଲିସ ଗୋଲଡେନ ବାବାଙ୍କ ୪୦ ଲକ୍ଷ ଟଙ୍କାର ପ୍ରାୟ ଦେଢ କେଜି ଓଜନର ସୁନା ରହିଥିବା ଲକରକୁ ଫ୍ରିଜ୍‌ କରିଛି। ତା ନାଁରେ ବେନାମୀ ପ୍ରପର୍ଟି କଣ ରହିଛି ତା’ର ମଧ୍ୟ ଖୋଳତାଡ୍ କରିବ ଇଓଡବ୍ଲୁ।

You might also like