ଏମ୍‌ସର ୪ ଡାକ୍ତରଙ୍କୁ କରୋନା

ଭୁବନେଶ୍ୱର: ପୁଣି କୋଭିଡ୍‌ ଯୋଦ୍ଧାଙ୍କୁ କରୋନା। ଏମ୍‌ସର ୪ ଡାକ୍ତରଙ୍କ ଠାରେ କରୋନା ପଜିଟିଭ୍‌ ଚିହ୍ନଟ ହୋଇଛି। ଏ ନେଇ ସୂଚନା ଦେଇଛନ୍ତି ଏମ୍‌ସର ନିର୍ଦ୍ଦେଶିକା ବି. ଗୀତାଞ୍ଜଳି। ୪ ଆକ୍ରାନ୍ତଙ୍କ ମଧ୍ୟରୁ ୩ ଜଣ ହେଉଛନ୍ତି ସିନିୟର ରେସିଡେଣ୍ଟ ଡାକ୍ତର। ଏମାନେ ସମସ୍ତେ ଏକାଠି ରହୁଥିଲେ ବୋଲି ସୂଚନା ମିଳିଛି।   ଆକ୍ରାନ୍ତଙ୍କ ମଧ୍ୟରେ ଜଣେ ଜୁନିୟର ଡାକ୍ତର ମଧ୍ୟ ଅଛନ୍ତି। ଏହା ଆଗରୁ ମଧ୍ୟ ଜଣେ ଜୁନିୟର ଡାକ୍ତର କରୋନାରେ ଆକ୍ରାନ୍ତ ହୋଇଥିଲେ।

ଗତକାଲି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଜଣେ ଡାକ୍ତର ଓ ନର୍ସ ପଜିଟିଭ ଚିହ୍ନଟ ହୋଇଥିଲେ। ଏ ନେଇ ନୟାଗ଼ଡ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡ. ସୁଧାଂଶୁ ଷଡ଼ଙ୍ଗୀ ସୂଚନା ଦେଇଥିଲେ।  ଉଭୟଙ୍କ ସ୍ୱାବ୍ ଟେଷ୍ଟ ପଜିଟିଭ୍ ଆସିବା ପରେ ଦୁଇଜଣଙ୍କୁ ଭୁବନେଶ୍ୱର ସମ୍ କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେମାନଙ୍କ ଲକ୍ଷଣ ନ ଥିବା କହିଛନ୍ତି ସିଡିଏମ୍ଓ। ଡାକ୍ତର ଓ ନର୍ସଙ୍କ ସଂସ୍ପର୍ଶରେ ଆସିଥିବା କର୍ମଚାରୀ କ୍ୱାରେଣ୍ଟିନ୍‌ରେ ରହିଥିବା  ସିଡିଏମ୍ଓ ସୂଚନା ଦେଇଛନ୍ତି।

ସେହିଭଳି ନିକଟରେ ରାଉରକେଲା ସରକାରୀ ହସ୍ପିଟାଲର ମଧ୍ୟ ୨ଜଣ ଆରଜିଏଚ ଡାକ୍ତରଙ୍କ ଠାରେ କରୋନା ଭୂତାଣୁ ଚିହ୍ନଟ ହୋଇଥିଲା। ସେହିଭଳି ଏସ୍‌ବି ମେଡିକାଲ୍‌ର ଡାକ୍ତରଙ୍କୁ ମଧ୍ୟ କରୋନା ହୋଇଥିଲା। ପ୍ରଥମଥର ପାଇଁ ମେ ୨୬ରେ କଟକ ସିଟି ହସ୍‌ପିଟାଲ୍‌ରେ ଜଣେ ଡାକ୍ତରଙ୍କୁ କରୋନା ହୋଇଥିଲା। ଏହା ରାଜ୍ୟର ପ୍ରଥମ ଘଟଣା ଥିଲା। ସେବେଠୁ କୋଭିଡ୍‌ ଯୋଦ୍ଧାଙ୍କ କରୋନା ଆକ୍ରାନ୍ତ ଖବର ଆସୁଛି।

You might also like