ଜିଲ୍ଲାପାଳଙ୍କ ବ୍ୟାଙ୍କ ଆକାଉଣ୍ଟକୁ ଫେରିଲା ୬୦ ଲକ୍ଷ ଟଙ୍କା

ଅନୁଗୁଳ: ଅନୁଗୁଳ ଜିଲ୍ଲାପାଳଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ହେରଫେର ମାମଲାରେ ନୂଆ ଟ୍ୱିଷ୍ଟ। ଜିଲ୍ଲାପାଳଙ୍କ ଆକାଉଣ୍ଟକୁ ଫେରି ଆସିଛି ସେହି ୬୦ ଲକ୍ଷ ଟଙ୍କା। ଏନେଇ ଜିଲ୍ଲାପାଳ ମନୋଜ ମହାନ୍ତି ଓଟିଭିକୁ ସୂଚନା ଦେଇଛନ୍ତି। ଜିଲ୍ଲାପାଳଙ୍କ ଅଭିଯୋଗ ଏବଂ ଏନେଇ ମାମଲା ଦାଏର ହେବା ପରେ ପୁରା ଟଙ୍କା ଜିଲ୍ଲାପାଳଙ୍କ ଆକାଉଣ୍ଟକୁ ଅନୁଗୁଳ HDFC ବ୍ୟାଙ୍କ ଫେରାଇ ଦେଇଥିବା ଜଣାପଡ଼ିଛି ।

ମନୋଜ ମହାନ୍ତିଙ୍କ ସୂଚନା ଅନୁସାରେ ୨୦୧୭-୧୮ରେ ତତ୍‌କାଳୀନ ଜିଲ୍ଲାପାଳଙ୍କ ଦସ୍ତଖତ ଜାଲ୍ କରାଯାଇ ୬୦ ଲକ୍ଷ ଟଙ୍କା ନଗଦ ଉଠାଯାଇଥିଲା। ଏକ ଘରୋଇ କମ୍ପାନୀ ତାର CSR ପାଇଁ ଏହି ଟଙ୍କା ଜମା କରିଥିଲା। ଅଭିଯୋଗ ଅନୁସାରେ ତତ୍‌କାଳୀନ ବ୍ୟାଙ୍କ ମ୍ୟାନେଜର ଶକ୍ତିବେଦାନ୍ତ ଦାସ ଜାଲ୍ ଦସ୍ତଖତ କରି ଟଙ୍କା ଉଠାଇ ନେଇଥିଲେ।

ଅନୁଗୁଳ HDFC ବ୍ୟାଙ୍କରେ ହୋଇଥିଲା ଏହି ଜାଲିଆତି।  ଏହି ମାମଲାରେ ଶକ୍ତିବେଦାନ୍ତ ଦାସଙ୍କୁ ଗିରଫ କରାଯାଇଛି। ସେ ଅନୁଗୁଳ HDFC ବ୍ୟାଙ୍କରୁ ୬୦ ଲକ୍ଷ ଟଙ୍କା ନେବା ପରେ ଚାକିରି ଛାଡ଼ି ଦେଇଥିଲେ।  ତା’ପରେ ଭୁବନେଶ୍ୱରର HDFC ବ୍ୟାଙ୍କରେ ଯୋଗ ଦେଇଥିଲେ। ତାଙ୍କ ଘର ଭୁବନେଶ୍ୱର ଲିଙ୍ଗରାଜ ଥାନା ଅନ୍ତର୍ଗତ ନାଗେଶ୍ୱର ଟାଙ୍ଗୀ ଅଞ୍ଚଳରେ ବୋଲି ଜଣାପଡ଼ିଛି।

ଆହୁରି ପଢ଼ନ୍ତୁ

You might also like