ଜଙ୍ଗଲରେ ନିଆଁ ଲଗାଉଥିଲେ, ବନ ବିଭାଗ ହାତରେ ଧରାପଡ଼ିଲେ

  • ଜଙ୍ଗଲରେ ନିଆଁ ଲଗାଉଥିବା ଶିକାରୀ ଗିରଫ
  • ଦୁଧିଆଣି ରେଂଜ ଗୁଡ଼ିଡିହା ଜଙ୍ଗଲରୁ ଗିରଫ କଲା ବନ ବିଭାଗ
  • ୪୧୫ ଫୁଟର ଫାସ ଜବତ କଲା ବନବିଭାଗ
  • ଠେକୁଆ ଶିକାର ଲାଗି କରୁଥିଲା ଫାସର ବ୍ୟବହାର

କରଞ୍ଜିଆ: ଜଙ୍ଗଲରେ ନିଆଁ ଲଗାଉଥିବା ବେଳେ ଆଉ ଜଣେ ଶିକାରୀ ଗିରଫ ହୋଇଛି। ଦୁଧିଆଣି ରେଂଜ ଗୁଡ଼ିଡିହା ଜଙ୍ଗଲରେ ନିଆଁ ଲଗାଇ ଶିକାର କରୁଥିବା ବେଳେ ଶିକାରୀକୁ ଗିରଫ କରିଛି ବନ ବିଭାଗ ।  ଗିରଫ ଶିକାରୀ ହେଲେ ଖଡ଼କୁଦ ଗାଁର ସାଲୁ ତିଉ । ଜଙ୍ଗଲରେ ନିଆଁ ଲଗାଇ ଶିକାର ପାଇଁ ଫାସ ବିଛାଇ ଥିବା ବେଳେ କୌଣସି ସୂତ୍ରରୁ ଖବର ପାଇ ବନବିଭାଗ ସାଲୁକୁ ଗିରଫ କରିଛି ।

ଯୁବକକୁ ଗିରଫ କରିବା ପରେ ଦୁଧିଆଣି ରେଞ୍ଜ କାର୍ଯ୍ୟାଳୟକୁ ଆଣି ଅଧିକା ପଚରାଉଚରା କରୁଛି ବନବିଭାଗ  । ଗିରଫ ଶିକାରୀ ପାଖରୁ ୨୨ ଟି ୪୧୫ ଫୁଟ ଲମ୍ବର ଫାସ ଜବତ ହୋଇଛି । ଠେକୁଆ ଶିକାର ପାଇଁ ଏହି ଫାସ ବ୍ୟବହାର କରୁଥିବା ଜଣାପଡିଛି । ଆଜି ଗିରଫ ଯୁବକକୁ କୋର୍ଟ ଚାଲାଣ କରିବ ବନଭିବାଗ । ଗତକାଲି ବାଦାମପାହାଡରୁ ନିଆଁ ଲଗାଇନ ଶିକାର କରୁଥିବା ବେଳେ ବନ ବିଭାଗ ଜଣଙ୍କୁ ଗିରଫ କରିଥିଲା ।

ସେପଟେ ଜଙ୍ଗଲ ନିଆଁ ରୋକିବାକୁ ହାଇକୋର୍ଟରେ ଜନସ୍ୱାର୍ଥ ମାମଲା ରୁଜୁ ହୋଇଛି। ଶିମିଳିପାଳ ଅଭୟାରଣ୍ୟ ସହ ରାଜ୍ୟର ବିଭିନ୍ନ ଜଙ୍ଗଲରେ ଅଗ୍ନିକାଣ୍ଡ ପ୍ରସଙ୍ଗ ନେଇ ହାଇକୋର୍ଟରେ ଜନସ୍ୱାର୍ଥ ମାମଲା ଦାଏର କରିଛି । ଭାରତୀୟ ବିକାଶ ପରିଷଦ ଶିମିଳିପାଳ ଅଭୟାରଣ୍ୟରେ ନିଆଁ ଲିଭାଇବା ଲାଗି ଉପଯୁକ୍ତ ପଦକ୍ଷେପ ନେବାକୁ ଏଥିରେ ଆବେଦନ କରାଯାଇଛି ।

ଅନ୍ୟପଟେ ମୟୂରଭଞ୍ଜ ଶିମିଳିପାଳରେ ନିଆଁ ଲିଭା କାର୍ଯ୍ୟଅରେ ନିୟୋଜିତ ଅଛନ୍ତି ଓଡ୍ରାଫ ଟିମ୍ । ୨ଟି ଓଡ୍ରାଫ ଟିମକୁ ଘଟଣାସ୍ଥଳକୁ ପଠାଯାଇଛି । ମୟୂରଭଞ୍ଜ ଆରସିସିଏଫଙ୍କୁ ଏନେଇ ଓଡ୍ରାଫ ଟିମ୍ ରିପୋର୍ଟ କରିବେ । ପିଠାବଟା ରେଞ୍ଜ ଅଞ୍ଚଳରେ ୫ମ ବାଟାଲିୟନର ଓଡ୍ରାଫ ଟିମକୁ ନିୟୋଜିତ କରାଯାଇଛି । ହେଲେ ବାଲେଶ୍ୱର ଓଡ୍ରାଫ ଟିମ୍ ଯଶିପୁର ରେଞ୍ଜ ଅଞ୍ଚଳରେ ନିୟୋଜିତ ଅଛନ୍ତି । ଏନେଇ ଏସଆରସି କାର୍ଯ୍ୟାଳୟ ସହ ଓସଡମା ପକ୍ଷରୁ ଟ୍ୱିଟ୍ ଯୋଗେ ସୂଚନା ଦିଆଯାଇଛି । ଶିମିଳିପାଳ ଅଭୟାରଣ୍ୟରେ ଲାଗିଥିବା ନିଆକୁ ଆୟତ୍ତ ପାଇଁ ଉଦ୍ୟମ ଜାରି ରହିଛି । ୬ଟି ରେଂଜର ୧୨ଟି ବିଟ୍ ଅଂଚଳରେ ୯୩ଟି ସ୍ଥାନରେ ନିଆଁ ଲାଗିଥିବା ସାଟେଲାଇଟ ରିପୋର୍ଟରୁ ଜଣାପଡିଛି । ବରେହିପାଣି, ଗୁଡୁଗୁଡିଆ, ତାଳବନ୍ଧ, କେନ୍ଦୁମୁଣ୍ଡି, ଚହଲା, ନଅଣା ରେଂଜରେ ନିଆଁ ଲାଗିଛି । ନିଆଁ ଲିଭାଇବା ପାଇଁ ବନବିଭାଗ ସହ ୪ଟି ଅଗ୍ନିଶମ ବିଭାଗର ଟିମ୍ ଶିମିଳିପାଳ ଭିତରକୁ ଯାଇଛନ୍ତି ।

 

You might also like