ବିନା ବର୍ଷାରେ ବନ୍ୟା; ଘରେ ପାଣି ବାହାରେ ବି ପାଣି

ପୁରୀ: ମହାନଦୀରେ ବନ୍ୟାଜଳ ଆସିବା ପରେ ଉଛୁଳୁଛି ଦୟା ନଦୀ। ଏହି ନଦୀ ମହାନଦୀର ଶାଖା ନଦୀ ହୋଇଥିବାରୁ ନଦୀର ଜଳ ସ୍ଥର ବିପଦ ସଂକେତ ଉପରେ ପ୍ରବାହିତ ହେଉଛି। କଣାସ ବ୍ଳକର ବାଲିପାଟଣା ଗାଁରେ ରାତିଅଧିଆ ପ୍ରବେଶ କରିଛି ବନ୍ୟାଜଳ।  ପ୍ରଥମେ ଗାଁ ଦାଣ୍ଡ ଆଉ ଏବେ ଲୋକଙ୍କ ଘରେ ପାଣି ପଶିଛି। ଭୟରେ ଲୋକେ ଘର ଦ୍ୱାର ଛାଡ଼ି ଉଚ୍ଚ ସ୍ଥାନକୁ ଚାଲିଯାଇଛନ୍ତି। ସେପଟେ ପୁରୀ ଜିଲ୍ଲା ଜଳ ସମ୍ପଦ ବିଭାଗର ନିର୍ବାହୀ ଯନ୍ତ୍ରୀ ଡେଲାଙ୍ଗ ଏବଂ କଣାସରେ ପ୍ରବାହିତ ହେଉଥିବା ନଦୀ ବନ୍ଧର ବିଭିନ୍ନ ଦୁର୍ବଳ ସ୍ଥାନ ପରିଦର୍ଶନ କରି ସ୍ଥିତି ପରଖଛନ୍ତି। ଏହାସହ ବନ୍ୟା ନେଇ ଲୋକଙ୍କୁ ଭୟଭୀତ ନ ହେବା ଲାଗି କହିଛନ୍ତି।

ଅନ୍ୟପଟେ କଣାସ ବ୍ଲକର ଦୟା ମକରା ଓ ରାଜୁଆ ନଦୀରେ ବି ବନ୍ୟାଜଳ ବିପଦ ସଂକେତ ଉପରେ ପ୍ରବାହିତ ହେଉଛି।  ବନ୍ୟାଜଳ ଦୋକନ୍ଦା ଗ୍ରାମରେ ପଶିବା ଫଳରେ ଲୋକେ ଆତଙ୍କିତ ଅଛନ୍ତି। ଘରେ ଘରେ ଆଣ୍ଡୁଏ ଉଚ୍ଚର ପାଣି ଲହଡ଼ି ମାରୁଥିବା ବେଳେ ରୋଷେଇ ନକରି ଲୋକେ ଉପବାସ ରହିଛନ୍ତି। ଦେକନ୍ଦା ଗ୍ରାମରେ ରିଲିଫ ସାମଗ୍ରୀ ପହଂଚି ନଥିବା ବେଳେ ବିଡିଓ ଗାଁ କୁ ଗାଁ ବୁଲି ପରିସ୍ଥିତିର ଅନୁଧ୍ୟାନ କରୁଛନ୍ତି।

You might also like