ନିରାମୟ କେନ୍ଦ୍ରରେ ନିଆଁ

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ପ୍ରାଥମିକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଅଗ୍ନିକାଣ୍ଡ। ହସ୍ପିଟାଲ ପରିସର ନିରାମୟ ଯୋଜନା କେନ୍ଦ୍ରରେ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ଔଷଧ ଓ କମ୍ପ୍ୟୁଟର ପୋଡ଼ି ପାଉଁଶ ହୋଇଯାଇଛି। ସୂଚନା ଅନୁଯାୟୀ ଗତକାଲି ରାତିରେ ନିରାମୟ କେନ୍ଦ୍ରରୁ ଧୂଆଁ ବାହାରୁଥିବା ଦେଖି ୱାଚ୍ ମ୍ୟାନ ଓ ନର୍ସ ଦମକଳ ବାହିନୀକୁ ଜଣାଇଥିଲେ। ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥଲା।

ତେବେ ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବାବେଳେ ସର୍ଟସର୍କିଟ୍‌ରୁ ନିଆଁ ଲାଗିଥିବା ସନ୍ଦେହ କରାଯାଉଛି। ସେପଟେ ଏହାକୁ ଲାଗି ଅନେକ ଓ୍ୱାର୍ଡ ଥିଲା। ସେଥିରେ ଅଗ୍ନିକାଣ୍ଡ ନ ହୋଇ ନିରାମୟ କେନ୍ଦ୍ରରେ କିଭଳି ନିଆଁ ଲାଗିଲା ସେନେଇ ସନ୍ଦେହ ପ୍ରକଟ ହୋଇଛି। ଦୋକାନ ବନ୍ଦ ପରେ ବିଳମ୍ବିତ ରାତିରେ କିଭଳି ନିଆଁ ଲାଗିଲା ସେ ନେଇ ଅନେକ ଚର୍ଚ୍ଚା ହେଉଛି। କେମିତି ଅଗ୍ନିକାଣ୍ଡ ଘଟିଲା ଏହାର ତଦନ୍ତ ହେଉ ବୋଲି ସ୍ଥାନୀୟ ବାସିନ୍ଦା ଦାବି କରିଛନ୍ତି।

You might also like