ମୋ ପାଇଁ ଦେଶ ବଡ଼, ଗାଁ ବଡ଼, ପୁଅ ଦୋଷ କରିଥିଲେ ଦଣ୍ଡ ପାଉ

କେନ୍ଦ୍ରାପଡ଼ା: ମୋ ପାଇଁ ଦେଶ ବଡ଼, ଗାଁ ବଡ଼, ପୁଅ ଦୋଷ କରିଥିଲେ ଦଣ୍ଡ ପାଉ। ଏହା କହିଛନ୍ତି, ଆତଙ୍କବାଦୀ ଲିଙ୍କ୍‌ରେ ଗିରଫ ହୋଇଥିବା କେନ୍ଦ୍ରାପଡ଼ା ଜିଲ୍ଲା ହବିବୁର ରେହମାନର ବାପା। ସେ କହିଛନ୍ତି ଯେ, ୨୦୦୬ରେ ଶେଷ ଥର ପାଇଁ ହବିବୁର୍ ଘରକୁ ଆସିଥିଲା। ତା’ ପରଠୁ ହବିବୁର ସହିତ ପରିବାର ଲୋକଙ୍କ କୌଣସି ସଂପର୍କ ନାହିଁ। ସେ କେମିତି ଆତଙ୍କବାଦୀଙ୍କ ସହିତ ମିଶିଲା, ତାହା ଜାଣିନଥିବା ହବିବୁରର ବାପା ମିର୍ ଅଏନୁର୍ ଉଦ୍ଦିନ କହିଛନ୍ତି। ଯଦି ପୁଅ ଦୋଷ କରିଥିବ, ତେବେ ସେ ନିଶ୍ଚିତ ଭାବେ ଦଣ୍ଡ ପାଇବା ଦରକାର ବୋଲି ମଧ୍ୟ ସେ କହିଛନ୍ତି।

ହବିବୁରର ଭାଇ ଅତାବର କହିଛନ୍ତି, ୬ ମାସ ପୂର୍ବରୁ ପାଟକୁରା ପୁଲିସ ମଧ୍ୟ ହବିବୁର ସଂପର୍କରେ ପରିବାର ଲୋକଙ୍କୁ ପଚରା ଉଚରା କରିଥିଲା। ତାଙ୍କୁ ଦିଲ୍ଲୀ ଡକାଯାଇଥିଲା। ହବିବୁରର ପରିବାର ମୁମ୍ବାଇରେ ରହନ୍ତି। ସେ ସାଉଦି ଆରବରେ ରହୁଥିବା କହିଛନ୍ତି ଅତାବର ହବିବୁର୍।

ଦିଲ୍ଲୀ ଏୟାରପୋର୍ଟରୁ ଗିରଫ ହେବା ପରେ ତାଙ୍କ ଗାଁ କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ତେଣ୍ଡାକୁଡ଼ାରେ ଏକ ପ୍ରକାର ଭୟର ବାତାବରଣ ସୃଷ୍ଟି ହୋଇଛି। ଏନ୍ଆଇଏ ହବିବୁରକୁ ରିମାଣ୍ଡରେ ନେଇ ଅଧିକ ଖୋଳତାଡ଼ କରିବାର ସମ୍ଭାବନା ଅଛି। ଲସ୍କର-ଇ-ତୋଇବାର ଆତଙ୍କବାଦୀ ନଇମ୍ ସହିତ ହବିବୁରର ଲିଙ୍କ୍ ଥିବା କୁହାଯାଉଛି।

 

You might also like