୧୨ ବର୍ଷର ସାଥୀକୁ ପୋଲିସ ମର୍ଯ୍ୟାଦାର ସହ ଦେଲେ ଅଶ୍ରୁଳ ବିଦାୟ

ନବରଙ୍ଗପୁର: ସନ୍ଧାନୀ କୁକୁରକୁ ମିଳିଲା ପୋଲିସ ମର୍ଯ୍ୟାଦା। ମୃତ୍ୟୁ ପରେ ପୋଲିସ ମର୍ଯ୍ୟଦା ସହ ଏଇ କୁକୁରର ଶେଷକୃତ୍ୟ ସମ୍ପନ୍ନ କରାଯାଇଛି। ଘଟଣା ଘଟିଛି ନବରଙ୍ଗପୁର ଜିଲ୍ଲାରେ।

ନବରଙ୍ଗପୁର ପୋଲିସ ସନ୍ଧାନୀ କୁକୁର ତାରାର ଅସୁସ୍ଥତା କାରଣରୁ ମୃତ୍ୟୁ ହୋଇଥିଲା । ତାରା ଜିଲ୍ଲା ପୋଲିସରେ ୧୨ ବର୍ଷ ଧରି କାମ କରୁଥିଲା। ଏହି ସମୟସୀମା ମଧ୍ୟରେ ଅନେକ ମାମଲାର ସମାଧାନ ସଫଳତାର ସହ କରିଛି । ମାଓ ଅଧ୍ୟୁଷିତ ନବରଙ୍ଗପୁର ଜିଲ୍ଲାରେ ଅନେକ ଅପରେସନରେ ଏହି ସନ୍ଧନୀ କୁକୁର ଅନେକ ଜୀବନ ବଞ୍ଚାଇଛି ।

୨୦୦୯ ମସିହାରେ ଜିଲ୍ଲା ପୋଲିସରେ ଯୋଗ ଦେଇଥିଲା ସନ୍ଧାନୀ କୁକୁର ତାରା । ୫୦ରୁ ଅଧିକ ହତ୍ୟା, ଡକାୟତି ଭଳି ଅପରାଧ ମାମଲାର ତଦନ୍ତରେ ପୋଲିସକୁ ସହାୟତା କରିଛି ଏହି ସନ୍ଧାନୀ କୁକୁର ତାରା। ତାରାର ଉଲ୍ଲେଖନୀୟ  କାର୍ଯ୍ୟ ଲାଗି ତାକୁ ୨୦୧୭ ମସିହାରେ ସମ୍ମାନୀତ କରାଯାଇଥିଲା । ୨୦୧୮ରେ କୋରାପୁଟ ପୋଲିସରୁ ଆସି ନବରଙ୍ଗପୁର ପୋଲିସରେ ଯୋଗ ଦେଇଥିଲା ତାରା ।

ତାରାର ମୃତ୍ୟୁରେ ନବରଙ୍ଗପୁରଏସପି ନୀତିନ କୁଶଲକର ଶୋକ ପ୍ରକାଶ କରିବା ସହ ଶ୍ରଦ୍ଧାଞ୍ଜଳି ଜଣାଇଥିଲେ।………

You might also like