କୃଷି ବୀମା ରାଶି ଦାବିରେ ଚାଷୀ ତେଜିଲେ

ଟିଟିଲାଗଡ଼: କୃଷି ବୀମା ପ୍ରଦାନ ଦାବିରେ ଟିଟିଲାଗଡ଼ରେ ଚାଷୀମାନେ ରାସ୍ତାରୋକ କରିଛନ୍ତି। ୨୦୧୭ ଆର୍ଥିକ ବର୍ଷ ଲାଗି ଚାଷୀଙ୍କୁ ବୀମା ରାଶି ପ୍ରଦାନ ଦାବି କରି ସଇଁତଳା ବ୍ଲକର ୭ଟି ପଞ୍ଚାୟତର ଚାଷୀ ୨୭ ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି।

ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇଙ୍କ ନେତୃତ୍ୱରେ ଶତାଧିକ ଚାଷୀ ଟାୟାର ଜାଳି ରାସ୍ତାରୋକ କରିଥିଲେ। ଏହା ଦ୍ୱାରା ବଲାଙ୍ଗିରରୁ ଭବାନୀପାଟଣାକୁ ଯାତାୟତ ବାଧାପ୍ରାପ୍ତ ହୋଇଛି। ରାସ୍ତାର ଉଭୟ ପାର୍ଶ୍ୱରେ ଶହ ଶହ ସଂଖ୍ୟାରେ ଗାଡ଼ି ଅଟକି ରହିଛି।

ପ୍ରଶାସନ ସହ ପୁଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ ମଧ୍ୟ ରାସ୍ତାରୋକ ହଟିନାହିଁ। ଚାଷୀମାନେ ନିଜ ଜିଦ୍‌ରେ ଅଟଳ ଅଛନ୍ତି।

You might also like