ଶ୍ରୀକ୍ଷେତ୍ରକୁ ଶ୍ରୀହୀନ କରିଗଲା ଫୋନି

ପୁରୀ(ଓଡ଼ିଶା ରିପୋର୍ଟର): ଶ୍ରୀକ୍ଷେତ୍ର ପୁରୀକୁ ଛାରଖାର କରି ଦେଇଛି ରାକ୍ଷସରୂପୀ ଝଡ଼ବାତ୍ୟା ଫୋନି। ଲ୍ୟାଣ୍ଡଫଲ କରିବା ପରେ ଭୀଷଣରୁ ଅତି ଭୀଷଣ ରୂପ ନେଇ ଦୀର୍ଘ ୪ ଘଣ୍ଟାରୁ ଅଧିକ ସମୟ ଧରି ରଚିଥିଲା ତାଣ୍ଡବ। ଅତି ପରିଚିତ ବଡ଼ଦାଣ୍ଡ ହେଉ କି ସମୁଦ୍ରକୂଳ, ସବୁଠି ଛାଡ଼ିଯାଇଛି ସେ ପ୍ରଳୟର ପଦଚିହ୍ନ । ଜିଲ୍ଲାର ଅନ୍ୟ ସ୍ଥାନମାନଙ୍କରୁ ବି ଆସୁଛି ବିପର୍ଯ୍ୟୟର କରୁଣ ଚିତ୍ର ।
ଶ୍ରୀକ୍ଷେତ୍ରରେ ସିଭିୟର ସାଇକ୍ଲୋନ ଫୋନି ଘଟାଇଛି ଅବର୍ଣ୍ଣନୀୟ କ୍ଷୟକ୍ଷତି। ଯାହା ଦେଖିଲେ ହୃଦୟ ସହୁନି। ଅଜଣା ଅଚିହ୍ନା ଭଳି ଲାଗୁଛି ଅତି ପରିଚିତ ବଡ଼ଦାଣ୍ଡ । ଛିନ୍ଛତ୍ର ହୋଇଯାଇଛି ପୁରୀ ସହର। ମରୁଭୂମି ସମ ଅନୁଭବ ହେଉଛି ସମ୍ପୁର୍ଣ୍ଣ ବେଳାଭୂମି ।

ବିପର୍ଯ୍ୟୟକୁ ସାଙ୍ଗରେ ନେଇ ଆସିଥିବା ଅଣଚାଷ ପବନ ଓ ଅବିଶ୍ରାନ୍ତ ବର୍ଷା, ସଂସ୍କୃତିର ସହରକୁ ଧ୍ୱସଂସ୍ତୁପରେ ପରିଣତ କରିବାକୁ ପଣ କରିଥିଲେ ଶୁକ୍ରବାର ସକାଳେ। ପ୍ରାୟ ୮ଟାବେଳକୁ ପୁରୀରେ ଆରମ୍ଭ ହୋଇଥିଲା ବାତ୍ୟାର ମହାପ୍ରଳୟ। ଅଶାନ୍ତ ସମୁଦ୍ର ଭିତରୁ ବାହାରି ସ୍ଥଳଭାଗ ଛୁଇଁବା ପରେ ଅଧିକ ଉଗ୍ର ହୋଇ ପଡିଥିଲା ଝଡ଼ ଫୋନି।

ପ୍ରାୟ ୨ଶହ କିଲୋମିଟରରୁ ଅଧିକ ବେଗରେ ପବନ ସାଙ୍ଗକୁ ଭୀଷଣରୁ ଅତି ଭୀଷଣ ରୂପ ନେଇ ତାଣ୍ଡବଲୀଳା ଜାରି ରଖିଥିଲା ରାକ୍ଷସରୂପୀ ଝଡ଼। ବଡ଼ ବଡ଼ ଗଛ, ବିଦ୍ୟୁତ୍ ଖୁଣ୍ଟ, ମୋବାଇଲ୍ ଟାୱାର ଓ ହୋର୍ଡିଂ ସବୁକୁ ଦଳି ମକଚି ଦେଇଥିଲା । ବେଳାଭୂମି ରାସ୍ତା ପାର ହୋଇ ସ୍ୱର୍ଗଦ୍ୱାର ଆଡକୁ ଅଶାନ୍ତ ସମୁଦ୍ର ମାଡ଼ି ଆସିଥିବାର ଖବର ବି ଆସିଥିଲା।

ଦୀର୍ଘ ୪ଘଣ୍ଟାରୁ ଅଧିକ ସମୟ ଧରି ପ୍ରଳୟ ରଚାଇ ଝଡ଼ବାତ୍ୟା ପୁରୀ ଛାଡ଼ିବା ପରେ କୋଳାହଳମୟ ସହରରେ ନଜରକୁ ଆସିଥିଲା ଗୋଟିଏ ପରେ ଗୋଟିଏ ଏମିତି ଅବିଶ୍ୱାସନୀୟ ଦୃଶ୍ୟ, ଛାରଖାର ହୋଇଯାଇଥିଲା ପର୍ଯ୍ୟଟନର କ୍ଷେତ୍ର।

ପୁରୀ ସହର ଭଳି ସାରା ଜିଲ୍ଲାରେ ବି ବିପର୍ଯ୍ୟୟର ଅଭୁଲା କ୍ଷତଚିହ୍ନ ଛାଡ଼ିଯାଇଛି ଝଡବାତ୍ୟା ଫୋନି। ବ୍ରହ୍ମଗିରି, ସାତପଡ଼ା, କୃଷ୍ଣପ୍ରସାଦ, କୋଣାର୍କ, ନିମାପଡ଼ା,ଗୋପ ଓ ସତ୍ୟବାଦୀ ସମେତ ସମୁଦ୍ରକୂଳିଆ ଅଞ୍ଚଳରେ ତାଣ୍ଡବ ରଚିଛି ଫୋନି । ଛିନ୍ଛତ୍ର ହୋଇଯାଇଛି ପୁରୀ-କୋଣାର୍କ ମରିନ୍ ଡ୍ରାଇଭ୍। ସ୍ଥିତି ସ୍ୱାଭାବିକ କରିବାକୁ ଓଡ୍ରାଫ, ଅଗ୍ନିଶମ ବିଭାଗ ପକ୍ଷରୁ ଯୁଦ୍ଧକାଳୀନ ଭିତ୍ତିରେ ଚାଲିଛି କାମ।

ଆହୁରି ପଢ଼ନ୍ତୁ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

ଚିତ୍ରକର ଆଙ୍କିଥିଲେ ଜବରଦସ୍ତ ପେଣ୍ଟିଂ; ଲୋକେ କହିଲେ ସୁଶାନ୍ତ ସିଂହ ରାଜପୁତ

ବାପାଙ୍କ ସହ ମିଶି ଅଷ୍ଟମ ଶ୍ରେଣୀର ଛାତ୍ର କଲା ନିଆରା ଉଦ୍ଭାବନ

ବଲିଉଡ୍ କୋରିଓଗ୍ରାଫର ଏବେ ଚା’ ଦୋକାନୀ

You might also like