‘ଫୋନି’ ଖୋଲିଦେଲା ଜାଲ୍‌ ରାସନକାର୍ଡ ଗୁମର: ଚାଉଳ ନେଲେ ଟଙ୍କା ପାଇଁ ଆସିଲେନି

ପୁରୀ: ଧରା ପଡ଼ିଲା ପୁରୀ ଜିଲ୍ଲା ଗୋପ ବ୍ଲକ୍‌ରେ ରାସନକାର୍ଡ ଜାଲିଆତି। ପଦାକୁ ଆସିଲା ଭୂତ ରାସନକାର୍ଡର ଗୁମର। ଆଳୁ ଖୋଳୁ ଖୋଳୁ ମହାଦେବ ମିଳିବା ନ୍ୟାୟରେ ଅଣ୍ଡରାଇଚ୍ଛାପୁର ଗାଁରେ ହୋଇଥିବା ରାସନକାର୍ଡ ମହାଦୁର୍ନୀତିର ବିଷ୍ଣୁପ୍ରିୟା ନାୟକ ହେଲେ ବଳିଷ୍ଠ ପ୍ରମାଣ। ତାଙ୍କ ନାଁରେ କାର୍ଡ ଥିବା କଥା ସେ ନିଜେ ଜାଣିନାହାନ୍ତି। ଏପରିକି ଦିନେ ହେଲେ ରାସନ ସାମଗ୍ରୀ ନେଇନାହାନ୍ତି। ହେଲେ ସରକାରୀ ତାଲିକାରେ କିନ୍ତୁ ସେ ହିତାଧିକାରୀ। ଜାଲିଆତିର ଏହି ଗହନ କଥା ପଦାକୁ ଆଣିଛି ବାତ୍ୟା ‘ଫୋନି’।

ବାତ୍ୟା ବିପନ୍ନଙ୍କୁ ରିଲିଫ ପ୍ରଦାନ ବେଳେ ଅଣ୍ଡରାଇଚ୍ଛାପୁର ପଞ୍ଚାୟତର ୧ ହଜାର ୭୪୭ ଜଣ ହିତାଧିକାରୀଙ୍କ ପାଇଁ ୫୦ କେଜି ଲେଖାଏଁ ଚାଉଳ ଓ ୩ ହଜାର ଲେଖାଏ ଟଙ୍କା ଆସିଥିଲା। ହେଲେ ଚାଉଳ ବଣ୍ଟନ ପରେ ଅର୍ଥରାଶି ନେବାକୁ ୪୭ ଜଣ ଆସିନାହାନ୍ତି। ତେଣୁ ପ୍ରଶ୍ନ ଉଠିଲା, ଚାଉଳ ନେଇଥିବା ଲୋକ କାହିଁକି ଟଙ୍କା ନେଉନାହାନ୍ତି? ଏହାର ଧରପଗଡ଼ ପରେ କାର୍ଡ ଜାଲିଆତି ହୋଇଥିବା ଜଣାପଡ଼ିଥିଲା। ପରେ ସେଠାକାର ଡିଲର କାଳୁରାମ ଜେନାଙ୍କୁ ନିଲମ୍ବନ କରାଯାଇଛି।

ଖାଲି ଗୋପ ବ୍ଲକ ନୁହେଁ, ପୁରୀ ପୌର ସଂସ୍ଥାରୁ ମଧ୍ୟ ଆସିଲାଣି ଭୂତ ରାସନକାର୍ଡର ଗନ୍ଧ। ଏଠି ପ୍ରାୟ ୩୨ ହଜାର ୨ ଶହ ହିତାଧିକାରୀଙ୍କ ମଧ୍ୟରୁ ଏଯାଏଁ ୧୫ ଶହ କାର୍ଡଧାରୀ ୨ ହଜାର ଲେଖାଏଁ ବାତ୍ୟା ସହାୟତା ଟଙ୍କା ଗ୍ରହଣ କରିନାହାନ୍ତି। ତେଣୁ ଏଠି ମଧ୍ୟ ଚାଉଳ ନେଉଥିବା ଲୋକ ଟଙ୍କା ନେବା ବେଳକୁ ହଜି ଯାଇଛନ୍ତି। ହିସାବ କହୁଛି, ପୁରୀରେ ୧୫ ହଜାର ୯୩୨ କ୍ୱିଣ୍ଟାଲ୍‌ ଚାଉଳ ବଣ୍ଟାଯାଇଛି। କାର୍ଡ ଥିବା ହିତାଧିକାରୀ ଯଦି ଟଙ୍କା ନେଇନାହାନ୍ତି, ତା’ହେଲେ ସେମାନେ ଚାଉଳ ମଧ୍ୟ ନେଇନଥିବେ।

ପୁରୀ ଜିଲ୍ଲାରେ ଶତାଧିକ ଭୂତ ରାସନକାର୍ଡ ଓ ଜାଲ୍ ହିତାଧିକାରୀ ଥିବା ନେଇ ଯେଉଁ ସାଂଘାତିକ ଅଭିଯୋଗ ହୋଇ ଆସୁଥିଲା, ତା’ର ଗୋଟିଏ ପରେ ଗୋଟିଏ ପ୍ରମାଣ ମିଳିବାରେ ଲାଗିଛି। ଯଦି ଏହା ଶତ ପ୍ରତିଶତ ପ୍ରମାଣିତ ହୁଏ, ତାହାଲେ ଏକ ବଡ଼ ଘୋଟାଲାର ଗୁମର ଖୋଲିବା ନିଶ୍ଚିତ।

ଆହୁରି ପଢ଼ନ୍ତୁ

‘ଚାଇନା କମ୍ପାନୀ ଦ୍ୱାରା ଭାରତକୁ ଫାଇଦା’

ସମୁଦ୍ର କୂଳରେ ଏମିତି ଲୁକ୍‌ରେ ମନ୍ଦିରା, ଭାଇରାଲ ହେଲା ଫଟୋ

ଭାରତର ଲଗାତାର ୫ମ ବିଜୟ, ୱେଷ୍ଟଇଣ୍ଡିଜ୍ ଧରାଶାୟୀ

ପୋଲାଭରମ୍‌ ପ୍ରକଳ୍ପ ଆଗେଇନେବା ପାଇଁ ଆନ୍ଧ୍ରକୁ ଅନୁମତି

ଦାୟିତ୍ୱହୀନତା: ଉଦ୍ଧାର ହେଲେ ୨ ଶିଶୁପୁତ୍ର, ଜଣେ କାର୍ ଭିତରୁ, ଜଣେ ବନ୍ଦ ଘରୁ

ତିନି ରାଜ୍ୟସଭା ପ୍ରାର୍ଥୀ କୋଟିପତି, ଅମରଙ୍କ ନାଁରେ ରହିଛି ଏମିତି ଅଭିଯୋଗ

ମୋଟ୍ ବ୍ୟୟ ପରିମାଣ ୧ ଲକ୍ଷ ୩୯ ହଜାର କୋଟି  ଛୁଇଁବା ସମ୍ଭାବନା

ରାଜଧାନୀରୁ କାର ଲୁଟ୍ ଘଟଣାର ପର୍ଦ୍ଦାଫାସ

୪ ନର୍ସଙ୍କୁ ବାଧ୍ୟତାମୂଳକ ଛୁଟିରେ ପଠାଇଲା ସ୍ୱାସ୍ଥ୍ୟ ବିଭାଗ

ପାଠ୍ୟ ପୁସ୍ତକରେ ଏଣିକି ରହିବ କ୍ୟୁଆର କୋର୍ଡ

ବହୁ ଚର୍ଚ୍ଚିତ ସାମ୍ବାଦିକ ତରୁଣ ଆଚାର୍ଯ୍ୟ ହତ୍ୟା ମାମଲା, ୫ ଦୋଷୀଙ୍କୁ ଆଜୀବନ ଜେଲ୍‌

ମହଙ୍ଗା ପଡ଼ିଲା କମେଣ୍ଟ ମରା, ଜୋତାରେ ପିଟିଲେ ମହିଳା

You might also like