ଜାତି କରି ଫସିଗଲେ, ଏବେ ସମସ୍ତେ କ୍ୱାରେଣ୍ଟିନ୍‌ରେ

ବଲାଙ୍ଗିର: ଏବେବି ବଞ୍ଚିଛି ମଧ୍ୟଯୁଗୀୟ ପରମ୍ପରା ଓ ଜାତି ଭେଦଭାବ।  ତାହା ପୁଣି କରୋନା ବିପତ୍ତି ସମୟରେ। ଏଭଳି ଅଭାବନୀୟ ଘଟଣା ବଲାଙ୍ଗିର ଜିଲ୍ଲା ଟିଟିଲାଗଡ଼ ଅଞ୍ଚଳରେ ଘଟିଛି। ଜାତି କରି ଫସି ଗଲା ପୂରା ସମାଜ।

ଅଭିଯୋଗ ଅନୁଯାୟୀ, ଗାଁର ଜଣେ ଯୁବକ ମୁମ୍ବାଇରୁ ଫେରି ସଂଗରୋଧ କେନ୍ଦ୍ର ଓ ପରେ ହୋମ୍ କ୍ୱାରେଣ୍ଟିନରେ ଥିଲେ।  ତେବେ ସଂଗରୋଧ କେନ୍ଦ୍ରରେ ଅନ୍ୟ ଜାତି ଲୋକଙ୍କ ସହ ଥିବାରୁ, ତାଙ୍କ ସମାଜ ଲୋକେ, ତାଙ୍କୁ ଗ୍ରହଣ କରିବାକୁ ରାଜି ହୋଇନଥିଲେ ।

ପରମ୍ପରା ଅନୁଯାୟୀ ଜାତି ହୋଇ ଯୁବକଙ୍କର ଚୁଟି କାଟି କ୍ଷର ହୋଇ ପୂଜାର୍ଚ୍ଚନା ପରେ ସମାଜରେ ମିଶିବାକୁ ରାଜି ହୋଇଥିଲେ । ଏହାପରେ ପରମ୍ପରା ଅନୁଯାୟୀ ଯୁବକଙ୍କୁ ଜାତିରେ ମିଶାଇବା ପାଇଁ ଏକ କାର୍ଯ୍ୟକ୍ରମ ହୋଇଥିଲା ।

ଏଥିରେ ଉକ୍ତ ସମାଜ ଲୋକେ ଯୋଗ ଦେଇଥିଲେ।  ପରେ ଯୁବକ ଜଣକ କୋଭିଡ୍ ପଜିଟିଭ ଜଣାପଡ଼ିବା ପରେ, ତାଙ୍କ ସଂସ୍ପର୍ଶରେ ଆସିଥିବାରୁ ଏବେ ପୂରା ସମାଜକୁ ସଂଗରୋଧରେ ରଖିଛି ପ୍ରଶାସନ।

You might also like