ଚଢ଼ାଉ ପାଇଁ ଯାଇଥିବା ବେଳେ ଅଟକାଇଲେ ସ୍ଥାନୀୟ ଲୋକେ

ବାଲେଶ୍ୱର: ଜଳେଶ୍ୱରରେ ଅବକାରୀ ଟିମକୁ ଅଟକାଇଲେ ସ୍ଥାନୀୟ ଲୋକେ। ଚଢ଼ାଉ ପାଇଁ ଯାଇଥିବା ବେଳେ ଝାଡ଼େଶ୍ୱରପୁର ବସ୍ତିରେ ଅବକାରୀ ବିଭାଗର ଏଏସ୍ଆଇ ଓ ୪ ଜଣ କର୍ମଚାରୀଙ୍କୁ ବସ୍ତି ମଝିରେ ଅଟକାଇଥିଲେ ଲୋକେ।

ଏପରିକି ଅବକାରୀ ବିଭାଗ ଟିମ୍ ଯାଇଥିବା ଗାଡ଼ିର ଚାବିକୁ କାଢ଼ିନେଇଥିଲେ ସ୍ଥାନୀୟ ଲୋକେ। ଘଟଣା ସମ୍ପର୍କରେ ଖବର ପାଇ ଅବକାରୀ ଟିମ୍‌କୁ ଉଦ୍ଧାର କରିଛି ଜଳେଶ୍ୱର ପୁଲିସ୍।

ଝାଡ଼େଶ୍ୱରପୁର ବସ୍ତିରେ ବ୍ରାଉନ୍‌ସୁଗର କାରବାର ଚାଲୁଥିବା ନେଇ ଖବର ପାଇଥିଲା ଅବକାରୀ ବିଭାଗ। ଏନେଇ ଚଢ଼ାଉ କରିବାକୁ ଯାଇ ଲୋକଙ୍କ ଆକ୍ରୋଶର ଶିକାର ହେବାକୁ ପଡ଼ିଛି।

You might also like