ପୁରୁଣା କଥା ଦୋହରାଇଲେ ଶକ୍ତି ସଚିବ

ଭୁବନେଶ୍ୱର: ପୁରୁଣା କଥାକୁ ପୁଣି ଦୋହରାଇଛନ୍ତି ଶକ୍ତି ସଚିବ ହେମନ୍ତ ଶର୍ମା । ୧୨ ତାରିଖ ସୁଦ୍ଧା ବାତ୍ୟା ପ୍ରଭାବିତ ହୋଇଥିବା ୯୦ ପ୍ରତିଶତ ଲୋକଙ୍କୁ ମିଳିବ ବିଦ୍ୟୁତ୍ । ପୁରୀ ଜିଲ୍ଲାକୁ ଛାଡ଼ି ବାକି ସମସ୍ତ ଅଞ୍ଚଳକୁ ବିଦ୍ୟୁତ୍ ଦିଆଯିବ ବୋଲି କହିଛନ୍ତି ଶକ୍ତି ସଚିବ। ପୂର୍ବରୁ ୧୦ ତାରିଖ ସୁଦ୍ଧା ରାଜଧାନୀର ୮୦ ପ୍ରତିଶତ ଅଞ୍ଚଳରେ ବିଦ୍ୟୁତ୍ ଦିଆଯିବାକୁ କହିଥିଲେ I & PR ସଚିବ । ହେଲେ ଆଜି ସୁଦ୍ଧା କେତେ ଅଞ୍ଚଳରେ ବିଦ୍ୟୁତ୍ ପହଞ୍ଚି ଥିବାକୁ ନେଇ ପଚରା ଯାଇଥିବା ବେଳେ ଏହାକୁ ଏଡାଇ ଯାଇଛନ୍ତି ଶକ୍ତି ସଚିବ। ସେପଟେ ପୁରୀରେ ୪ ହଜାରରୁ ଅଧିକ କର୍ମଚାରୀ ବିଦ୍ୟୁତ୍ ସଂଯୋଗ ପାଇଁ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରୁଛନ୍ତି।

ଆନ୍ଧ୍ରପ୍ରଦେଶ, ପଶ୍ଚିମବଙ୍ଗରୁ କୁଶଳୀ ଶ୍ରମିକ ଆସିଥିବା ବେଳେ ଆଜି କର୍ଣ୍ଣାଟକ ଓ କେରଳରୁ ବି ଅଧିକ ଶ୍ରମିକଙ୍କୁ ଅଣାଯାଉଥିବା ହେମନ୍ତ ଶର୍ମା କହିଛନ୍ତି। ଗତକାଲି I & PR ସଚିବ ୧୨ ତାରିଖ ସୁଦ୍ଧା ୧୦୦ ପ୍ରତିଶତ, ୧୦  ତାରିଖ ସୁଦ୍ଧା ୮୦ ପ୍ରତିଶତ ବିଦ୍ୟୁତ୍ ସଂଯୋଗ ହେବ ବୋଲି କହିଥିଲେ ।

You might also like