ସୋଶାଲ ମିଡ଼ିଆରେ ଭାଇରାଲ ହାତୀଙ୍କ ଶବ ଶୋଭାଯାତ୍ରା ଦୃଶ୍ୟ

ଭୁବନେଶ୍ୱର : ପଶୁ ହେଲେ ବି ବିବେକ ଅଛି। ସମ୍ବେଦନ ଅଛି। ମଣିଷ ମାନଙ୍କ ଭଳି ସେମାନେ ବି ସଂପର୍କର ମୂଲ୍ୟ ବୁଝି ପାରନ୍ତି। ଆଉ ଭାବର ଆଦାନ ପ୍ରଦାନ କରନ୍ତି। ଏମିତି ଏକ ଘଟଣା ଦେଖିବାକୁ ମିଳିଛି, ଯାହାକି ସମସ୍ତଙ୍କୁ ଚକିତ କରିବ। ଆପଣ ବିଶ୍ୱାସ କରିପାରିବେନି ଏମିତି ହୋଇଥାଇପାରେ ବୋଲି । କିନ୍ତୁ ଏଭଳି ଏକ ଘଟଣା ଘଟିଛି।

ଛୁଆ ହାତୀର ମୃତଦେହ ଧରି ହାତୀମାନେ ଶୋଭାଯାତ୍ରାରେ ଯିବା ଭଳି ଦୃଶ୍ୟ ଏବେ ସୋଶାଲ ମିଡିଆରେ ଭାଇରାଲ ହୋଇଛି। ବନ ଅଧିକାରୀ ତଥା ଆଇଏଫ୍ଏସ ପ୍ରବୀଣ କାଶଓ୍ୱନ ଏହି ଭିଡିଓଟି ଟ୍ୱିଟରରେ ପୋଷ୍ଟ କରିଛନ୍ତି। ଏହାସହ ସେ ଲେଖିଛନ୍ତି ଯେ, ଖାଲି ମଣିଷ ଶବ ଶୋଭାଯାତ୍ରା କରନ୍ତି ନାହିଁ, ପଶୁମାନଙ୍କ କ୍ଷେତ୍ରରେ ବି ଏଭଳି ଘଟଣା ଦେଖିବାକୁ ମିଳିଥାଏ। ବିଶେଷ କରି ହାତୀମାନେ ଅଧିକ ସ୍ନେହୀ ଓ ଏମାନଙ୍କ ମଧ୍ୟରେ ଫ୍ୟାମିଲି ବଣ୍ଡିଂ ଅଧିକ ଥାଏ ବୋଲି ସେ କହିଛନ୍ତି।

ବନ ଅଧିକାରୀଙ୍କର ଟ୍ୱିଟରରେ ପୋଷ୍ଟ ହୋଇଥିବା ଏହି ଭିଡିଓଟିକୁ ବହୁତ ଲୋକ ପସନ୍ଦ କରିଛନ୍ତି। ଆଉ ପଶୁ ମାନେ ମଧ୍ୟ ନିଜର ପ୍ରିୟ ପରିଜନର ଦୁଃଖକୁ ଅନୁଭବ କରନ୍ତି ବୋଲି ଏଥିରୁ ଜଣାପଡିଛି।

You might also like