• translate
Odishatv Bureau

ପୁରୀ: ପ୍ରଳୟଙ୍କରୀ ଫୋନି ବାତ୍ୟାକୁ ୨ ସପ୍ତାହ ପୂରିଲା । ହେଲେ ଫୋନିରେ ଶ୍ରୀହୀନ ହୋଇଯାଇଥିବା ଶ୍ରୀକ୍ଷେତ୍ରର ବହୁ ଇଲାକା ଆଜି ବି ଅନ୍ଧାରରେ। ପର୍ଯ୍ୟଟନ ସହରରେ ସମ୍ପୁର୍ଣ୍ଣ ସ୍ୱାଭାବିକ ହୋଇନି ବିଜୁଳି ଯୋଗାଣ ବ୍ୟବସ୍ଥା। ଫଳରେ ଗରମ ଆଉ ଗୁଳୁଗୁଳି ସହ ପାନୀୟ ଜଳ ସମସ୍ୟାରେ କଲବଲ ହେଉଛନ୍ତି ସ୍ଥାନୀୟ ବାସିନ୍ଦା । ଏସବୁ ଭିତରେ ସମ୍ପୁର୍ଣ୍ଣ ପୁରୀ ସହରରେ ବିଜୁଳି ପୁର୍ନବାହାଲ ହେବାକୁ ଆସନ୍ତା ୨୫ ତାରିଖ ଯାଏଁ ଅପେକ୍ଷା କରିବାକୁ ପଡ଼ିବ ବୋଲି ସେସୁ କର୍ତ୍ତୃପକ୍ଷ ଡେଡ୍‌ଲାଇନ୍ ଦେଇଛନ୍ତି ।

ଏଣେ ସହରରେ ଉପୁଡ଼ିପଡ଼ିଥିବା ଗଛଲତା, ବିଦ୍ୟୁତ ଖୁଣ୍ଟ ସହ ଭାଙ୍ଗିଯାଇଥିବା ଘରଦ୍ୱାର ସଳଖିବାରେ ଲାଗିଲେଣି ଲୋକେ। ଧିରେ ଧିରେ ଚଳଚଞ୍ଚଳ ବି ହେଲାଣି ବଡ଼ଦାଣ୍ଡ। ହେଲେ ବିଜୁଳି ବେଦନାରୁ ଉପଷମ ପାଇପାରୁନାହାଁନ୍ତି ପୁରୀର ସବୁ ବାସିନ୍ଦା। ଫୋନି ପରଠୁ ଲୋକଙ୍କ ଘର ଭିତରେ ନୀରବି ଯାଇଛି ପଙ୍ଖା। ସକାଳରୁ ସଞ୍ଜ, ସଞ୍ଜରୁ ସକାଳ ଗୁଳୁଗୁଳିରୁ ସାମାନ୍ୟ ତ୍ରାହି ପାଇଁ ବିଞ୍ଛଣା ସାଜିଛି ସାହାରା।  ଭୀଷଣ ଗରମରେ ଆଉଟୁପାଉଟୁ ହେଉଛନ୍ତି ପିଲାଠୁ ବୟସ୍କ। ତେବେ ପୁରୀ ସହରର କିଛି ଅଞ୍ଚଳରେ ବିଜୁଳି ଆସିଥିବାବେଳେ ତାଙ୍କ ଘରେ କେବେ ଲାଇଟ୍ ଜଳିବ ତାକୁ ନେଇ ଆଶା ଆଶଙ୍କାରେ ରହିଛନ୍ତି ଲୋକେ ।

ଗତ ୧୫ ତାରିଖରୁ ବଡ଼ଦାଣ୍ଡ ଏବଂ ଶ୍ରୀମନ୍ଦିର ଅଞ୍ଚଳରେ ବିଦ୍ୟୁତ ସେବା ପ୍ରଦାନ କରାଯାଇଆସୁଛି । ଅଥଚ ବର୍ତ୍ତମାନ ସୁଦ୍ଧା ପୁରୀ ସହରର କୁମ୍ଭାରପଡ଼ା ସମେତ ବାସେଳି ସାହି, ହରଚଣ୍ଡି ସାହି, ମାର୍କଣ୍ଡେଶ୍ୱର ସାହି, ବାଲିସାହି, ଅବକାଶନଗର, ସୁଦର୍ଶନନଗର, ଗୁଣ୍ଡିଚା ବିହାର, ମାଟିଆପଡ଼ା ଆଦି ଅଞ୍ଚଳକୁ ବିଜୁଳିର ନାଁ ଗନ୍ଧ ନାହିଁ । ତେବେ ଯୁଦ୍ଧକାଳୀନ ଭିତ୍ତିରେ ବିଜୁଳି ଭିତ୍ତିଭୂମିର ପୁନରୁଦ୍ଧାର କାମ ଚାଲିଥିବାବେଳେ ବଳକା ଅଞ୍ଚଳକୁ ବିଜୁଳି ଯୋଗାଣ ୨୫ ତାରିଖ ସୁଦ୍ଧା ହେବ ବୋଲି କହିଛନ୍ତି ସେସୁ ଅଧିକାରୀ । ବ୍ରହ୍ମଗିରି, କୃଷ୍ଣପ୍ରସାଦ, ସତ୍ୟବାଦୀ ଆଦି ଅଞ୍ଚଳରେ ଅଗ୍ରାଧିକାର ଭିତ୍ତିରେ ବିଦ୍ୟୁତ ସେବା ପ୍ରଦାନ ପାଇଁ ଉଦ୍ୟମ ଚାଲିଛି ବୋଲି ସେସୁ ଅଧିକ୍ଷଣ ଯନ୍ତ୍ରୀ ପ୍ରଦୀପ କୁମାର ସାହୁ କହିଛନ୍ତି ।

Other Stories

  • Kalahandi ୧୨ ଘଣ୍ଟିଆ କଳାହାଣ୍ଡି ବନ୍ଦ

    ମହାଲିଙ୍ଗ ସ୍କୁଲ ଶିକ୍ଷୟିତ୍ରୀ ମମିତା ନିଖୋଜ ମାମଲାରେ ଆଜି ୧୨ ଘଣ୍ଟିଆ କଳାହାଣ୍ଡି ବନ୍ଦ । ଜିଲ୍ଲା ବିଜେପି ପକ୍ଷରୁ ସକାଳ ୬ରୁ ସଂଧ୍ୟା ୬ଟା ଯାଏଁ କଳାହାଣ୍ଡି ବନ୍ଦ ଡାକରା ଦିଆଯାଇଛି।

  • auto driver
    Petrol And Diesel Price ତେଲ ଦର ଏତେ, ଭଡା ନେବୁ ଆମେ କେତେ?

    କରୋନା ପରଠାରୁ ତ ଏମିତିରେ ବହୁତ କମ୍ ଲୋକ ଅଟୋରେ ବସୁଥିଲେ, କିନ୍ତୁ ଗଲା ଦେଢ଼ ବର୍ଷ ଭିତରେ ଉଭୟ ପେଟ୍ରୋଲ ଓ ଡିଜେଲ ଦର ୨୫ରୁ ୩୦ ଟଙ୍କା ବଢ଼ିଯାଇଛି । ଏହି ଦରବୃଦ୍ଧି ଯୋଗୁଁ...

  • Drone Eye On Sensitive Jails
    Santosh Kumar Upadhyay ଏଣିକି ଜେଲ୍ ଜଗିବ ଡ୍ରୋନ

    ଜେଲ୍ ଜଗିବ ଡ୍ରୋନ୍। ରାଜ୍ୟର କେତେକ ସ୍ପର୍ଶ କାତର ଜେଲରେ ଏଣିକି ଡ୍ରୋନ୍ ବ୍ୟବସ୍ଥା କରାଯିବ ବୋଲି ଜଣାପଡ଼ିଛି। ଜେଲରେ ରହୁଥିବା କୁଖ୍ୟାତ ଅପରାଧୀଙ୍କ ଗତିବିଧି, ସନ୍ଦିଗ୍ଧ କାର୍ଯ୍ୟକଳାପ ଉପରେ ଏହା ନଜର ରଖିବ।

  • 10 lakh species will extinct on earth in this century
    Special Story ଏହି ଶତାବ୍ଦୀରେ ବିଲୁପ୍ତ ହେବେ ଘରଚଟିଆ-କାଉ ଭଳି ୧୦ ଲକ୍ଷ ଜୀବ

    ଦେଶ ଦୁନିଆରେ ଜୈବ ବିବିଧତା ଅତି କ୍ଷୀପ୍ର ଗତିରେ ଶେଷ ହେଉଛି। ଆମ ଚାରିପାଖରେ ଥିବା ଏପରି ଅନେକ ଜୀବକୁ ଆମେ ମନେ ପକେଇପାରିବା ଯେ ଯେଉଁମାନେ ପ୍ରଚୁର ପରିମାଣରେ ଥିଲେ କିନ୍ତୁ ଏବେ ଆଉ ଦେଖାଯାଉ...