ବାଲିଗୁଡ଼ା: ପୋଲ ତ କଲେନି କିନ୍ତୁ ଯେଉଁ ତାରର ସହାୟତାରେ ଲୋକେ ନଦୀ ପାର୍ ହେଉଥିଲେ, ତାକୁ ମଧ୍ୟ ଖୋଲି ଦେଲା ପ୍ରଶାସନ। ଏହାକୁ ନେଇ କନ୍ଧମାଳ ଜିଲ୍ଲା କେ. ନୂଆ ଗାଁ ଅଞ୍ଚଳର ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
ନୂଆ ଗାଁ ଦେଇ ଯାଇଛି ଗୋଟିଏ ନଦୀ। ନଦୀରେ ପୋଲ ନାହିଁ ତା’ ବଦଳରେ ଲାଗିଛି ତାର। ଏହି ତାର ସହାୟତାରେ ୫ ଖଣ୍ଡ ଗାଁର ଲୋକେ ଅତି ବିପଜ୍ଜନକ ଭାବେ ନଦୀ ପାର୍ ହେଉଥିଲେ। ଗତକାଲି ଓଟିଭିରେ ଏହି ଖବର ପ୍ରସାରଣ ପରେ ବାଲିଗୁଡ଼ା ଉପଜିଲ୍ଲାପାଳ ଓ ପୋଲିସ୍ ସେଠାରେ ପହଞ୍ଚି ନଦୀ ଉପରୁ ତାରକୁ ହଟାଇ ଦେଇଛନ୍ତି। ତା ବଦଳରେ ଦୂରରେ ଥିବା ବ୍ରିଜ୍ ବ୍ୟବହାର କରିବାକୁ ଲୋକଙ୍କୁ ପରାମର୍ଶ ଦିଆଯାଇଛି।
କିନ୍ତୁ ସେମାନଙ୍କ ଅଞ୍ଚଳରେ ପୋଲ ନ କରି ତାର ହଟାଇ ଦେଇଥିବାରୁ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
୨୦ ବର୍ଷର ସ୍ଥିର ସରକାରରେ ବିକାଶର ବିକଳ ଚିତ୍ର
ଦେଖନ୍ତୁ କନ୍ଧମାଳ ଜିଲ୍ଲାର କେ.ନୂଆଗାଁ ଅଞ୍ଚଳର ଏ ଦୃଶ୍ୟ#KNuagoan #Kandhamal #Odisha pic.twitter.com/bL4RAGuDqS— ଓଟିଭି (@otvkhabar) September 23, 2020