• translate
Mihir Pattnayak

ଭୁବନେଶ୍ୱର:  ସ୍ମାର୍ଟ ହେଉଛି ଯୁଗ, ତା ସହିତ ତାଳ ଦେଇ ସ୍ମାର୍ଟ ହେଉଛି ଶିକ୍ଷା ବ୍ୟବସ୍ଥା। ଏହି କ୍ରମରେ, ସ୍ମାର୍ଟ ଫୋନ ସାହାଯ୍ୟରେ ଛାତ୍ରଛାତ୍ରୀଙ୍କ ପାଖରେ ପାଠ୍ୟ ବିଷୟବସ୍ତୁକୁ ପହଞ୍ଚାଇବା ପାଇଁ ପ୍ରୟାସ ଆରମ୍ଭ କରିଛି ଓଡ଼ିଶା ମାଧ୍ୟମିକ ଶିକ୍ଷା ପରିଷଦ । ଏହି କ୍ରମରେ ଏଣିକି ନବମ ଓ ଦଶମ ଶ୍ରେଣୀର ବହିରେ ବିଭିନ୍ନ ସ୍ଥାନରେ କ୍ୟୁଆର୍ କୋଡ୍ ଛପାଯାଇଛି । ଯାହାକୁ ନିଜ ସ୍ମାର୍ଟ ଫୋନରେ ସ୍କାନ କଲେ ସେହି ବିଷୟବସ୍ତୁ ସମ୍ପର୍କରେ ବିସ୍ତୁତ ତଥ୍ୟ ସହ ଅଡିଓ ଭିଜୁଆଲ୍ କଣ୍ଟେଣ୍ଟ୍ ମଧ୍ୟ ଦେଖିପାରିବେ ଛାତ୍ରଛାତ୍ରୀ।

ନବମ ଓ ଦଶମ ଶ୍ରେଣୀର ଅଧିକାଂଶ ବହିର ସୂଚୀ ଓ ଅଧିକାଂଶ ବିଷୟର ପ୍ରାରମ୍ଭରେ ଛପାଯାଇଛି କୁଇକ୍ ରେସପନ୍ସ କୋଡ୍ ବା QR Code।  ଦୀକ୍ଷା ମୋବାଇଲ୍ ଆପେର ଏହାକୁ ସ୍କାନ କଲେ ବିଷୟ ବସ୍ତୁକୁ ବିସ୍ତୃତ ଭାବେ ଜାଣିବା ସହ ସେ ସମ୍ପର୍କିତ ଭିଡିଓ ମଧ୍ୟ ଦେଖିହେବ।  ପୂର୍ବରୁ CBSE ଓ ICSE ଏହି ପ୍ରକ୍ରିୟାରେ ଥିବା ବେଳେ,  ପ୍ରଥମ ଥର ପାଇଁ ଏଭଳି ଉପାୟ ଆପଣାଇଛି । ଓଡ଼ିଶା ମାଧ୍ୟମିକ ଶିକ୍ଷା ପରିଷଦ  ଦିନକୁ ଦିନ ସ୍ମାର୍ଟ ଫୋନର ବର୍ଦ୍ଧିତ ବ୍ୟବହାରକୁ ଦୃଷ୍ଟିରେ ରଖି, ଏହି ସ୍ମାର୍ଟ ଉପାୟ ଛାତ୍ରଛାତ୍ରୀଙ୍କ ଜ୍ଞାନବୃଦ୍ଧି ତଥା ବିଷୟବସ୍ତୁ ପ୍ରତି ଆଗ୍ରହ ସୃଷ୍ଟିରେ ସହାୟକ ହେବ ବୋଲି ଆଶା ରଖିଛି ବୋର୍ଡ ।

ତେବେ କେମିତି ସ୍ମାର୍ଟ ଫୋନରେ ପାଇବେ ବିସ୍ତୃତ ପାଠ୍ୟ ବିଷୟବସ୍ତୁ? କେମିତି ସ୍କାନ୍ କରିବେ ପାଠ ବହିରେ ଛପାଯାଇଥିବା ଏହି  କ୍ୟୁଆର୍ କୋଡ୍? ଏ ସମ୍ପର୍କରେ ବହିର ପ୍ରଥମ ପୃଷ୍ଠାରେ ଚିତ୍ର ସହିତ ଦର୍ଶାଯାଇଛି।  ପ୍ରଥମେ ନିଜ ମୋବାଇଲେର ଦୀକ୍ଷା ଆପ୍ଲିକେସନ୍ ଡାଉନଲୋଡ୍ କରି ଛାତ୍ରଛତ୍ରୀମାନେ ଷ୍ଟୁଡେଣ୍ଟ୍ ବଟନ୍‌ରେ କ୍ଲିକ୍ କରିବେ । ଏହାପରେ କ୍ୟୁଆାର୍ କୋଡକୁ ସ୍କାନ କଲେ ସେହି ପାଠ୍ୟ ବିଷୟବସ୍ତୁ ନିଜ ମୋବାଇଲରେ ପାଇପାରିବେ । କେବଳ ମୋବାଇଲ୍ ନୁହେଁ, କମ୍ପ୍ୟୁଟରରେ ବି ଦୀକ୍ଷା ୱେବସାଇଟକୁ ଯାଇ ଡାଏଲ୍ କୋଡ୍ ଟାଇପ୍ କଲେ, ଏହି ଡିଜିଟାଲ୍ ବିଷୟବସ୍ତୁ ଉପଲବ୍ଧ ହେବ । ଏହି ଆପ୍ଲିକେସନରେ ପାଠ୍ୟ ପୁସ୍ତକ ମଧ୍ୟ ମିଳିପାରିବ ବୋଲି ସୂଚନା ମିଳିଛି ।

Other Stories