ଭୁବନେଶ୍ୱର: ଏବେ ଆହୁରି କଡ଼ାକଡ଼ି ହେଲା ଟ୍ରାଫିକ୍ ନିୟମ। ଯେଉଁମାନେ ନିୟମ ଉଲ୍ଲଘଂନ କରିବେ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏଣିକି ନିମ୍ନ ଲିଖିତ ନିୟମ ନ ମାନିଲେ ଡ୍ରାଇଭିଂ ଲାଇସେନ୍ସ(DL) ୩ ମାସ ପାଇଁ ବାତିଲ୍ ହେବ।
- ଧାର୍ଯ୍ୟ ନିୟମରୁ ଅଧିକ ବେଗରେ ଗାଡ଼ି ଚଳାଇଲେ DL ବାତିଲ୍।
- ରେଡ୍ ଲାଇଟ୍ କଟକଣା ନ ମାନି ଆଗକୁ ବଢ଼ିଲେ DL ବାତିଲ୍।
- ଓଭରଲୋଡିଂ କିମ୍ବା ମାଲ୍ବାହୀ ଗାଡ଼ିରେ ଯାତ୍ରୀ ନେଲେ DL ବାତିଲ୍।
- ମଦ କିମ୍ବା ଡ୍ରଗ୍ସ ଖାଇ ଗାଡ଼ି ଚଳାଇଲେ DL ବାତିଲ୍।
- ମୋବାଇଲ୍ରେ ଗପି ଗାଡ଼ି ଚଳାଇଲେ ମଧ୍ୟ ବାତିଲ୍ ହେବ DL।
ସୁପ୍ରିମକୋର୍ଟ କମିଟିଙ୍କ ସଡ଼କ ନିରାପତ୍ତା ଗାଇଇଡ୍ଲାଇନ୍ସ ଅନୁସାରେ ପରିବହନ କମିଶନରଙ୍କ ପକ୍ଷରୁ ଏଭଳି କଟକଣା ଜାରି କରାଯାଇଛି।