ବିଜେଡି-କଂଗ୍ରେସ ସମର୍ଥକ ମୁହାଁମୁହିଁ

ଡାକ୍ତରଖାନା ଉଦଘାଟନୀ କାର୍ଯ୍ୟକ୍ରମରେ ଗଣ୍ଡଗୋଳ

ପଟ୍ଟାମୁଣ୍ଡାଇ: କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇରେ ଉପଖଣ୍ଡସ୍ତରୀୟ ଡାକ୍ତରଖାନା ଉଦଘାଟନୀ କାର୍ଯ୍ୟକ୍ରମରେ ବିଜେଡି-କଂଗ୍ରେସ ସମର୍ଥକଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି। ସ୍ୱାସ୍ଥ୍ୟ ମନ୍ତ୍ରୀ ପ୍ରତାପ ଜେନା ପଟ୍ଟାମୁଣ୍ଡାଇରେ ଉପଖଣ୍ଡସ୍ତରୀୟ ଡାକ୍ତରଖାନା ଓ ୩୦ ଶଯ୍ୟା ବିଶିଷ୍ଟ ଶିଶୁ, ମା’ ଚିକିତ୍ସାଳୟର ଉଦ୍‌ଘାଟନ କରିଥିଲେ।

ଏହି ଅବସରରେ କଂଗ୍ରେସ ବିଧାୟକ ଅଂଶୁମାନ ମହାନ୍ତିଙ୍କ ସମର୍ଥକ ଓ ସଭାରେ ଉପସ୍ଥିତ ବିଜେଡି ସମର୍ଥକଙ୍କ ମଧ୍ୟରେ ଠେଲାପେଲା ହୋଇଥିଲା । ଡାକ୍ତରଖାନାରେ ଆବଶ୍ୟକ ଡାକ୍ତର ନ ଥିବା ବେଳେ ମାଗଣାରେ ଔଷଧୟ ମଧ୍ୟ ମିଳୁ ନହିଁ।

ଏପରି ସ୍ଥିତିରେ ବର୍ତ୍ତମାନ ଡାକ୍ତରଖାନା ଉଦ୍‌ଘାଟନ ନିର୍ବାଚନୀ ପ୍ରହସନ ବୋଲି ବିଧାୟକ ଅଂଶୁମାନ ମହାନ୍ତି ଅଭିଯୋଗ କରିଛନ୍ତି । ସେପଟେ ପଟ୍ଟାମୁଣ୍ଡାଇରେ ଉପଖଣ୍ଡ ସ୍ତରୀୟ ଡାକ୍ତରଖାନା ଘୋଷଣା ପରେ ଏଠାରେ ଆହୁରି ଅଧିକ ସଂଖ୍ୟକ ଡାକ୍ତର ନିଯୁକ୍ତି ଦିଆଯିବ ବୋଲି ମନ୍ତ୍ରୀ ଜେନା କହିଛନ୍ତି।

You might also like