କୋଣାର୍କ : ୩ ଜଣଙ୍କୁ ଆଜୀବନ କାରାଦଣ୍ଡ। ବହୁଚର୍ଚ୍ଚିତ ଅସ୍ତରଙ୍ଗ ଥାନା ଦିନାଡିଆରେ ପରିବାରର ୪ ଜଣଙ୍କୁ ନିର୍ମମ ହତ୍ୟା ଘଟଣା। ୩ ଦୋଷୀଙ୍କୁ ଆଜୀବନ କାରାଦଣ୍ଡାଦେଶ ଦେଲେ କୋର୍ଟ।
ମୁଖ୍ୟ ଅଭିଯୁକ୍ତ ହିମାଦ୍ରି ଦାସ ଓରଫ ରହିମ୍ ଖାଁ , ରହିମଙ୍କ ପତ୍ନୀ ଆୟେଶା ବେଗମ୍ ଓ ମୃତ ଦୀନବନ୍ଧୁଙ୍କ ସଢୁ ଫକୀର ମଲ୍ଲିକଙ୍କୁ ଆଜୀବନ ଜେଲ୍ ଦଣ୍ଡାଦେଶ ଦେଇଛନ୍ତି କୋର୍ଟ।
୨୦୧୫ ମସିହା ସେପ୍ଟେମ୍ବର ୨୧ ତାରିଖରେ ଦିନାଡିଆର ଅବସରପ୍ରାପ୍ତ ଡିଆଇ ଦିନବନ୍ଧୁ ମଲ୍ଲିକ, ତାଙ୍କ ପତ୍ନୀ ନିର୍ମଳା, ୧୨ ବର୍ଷର ଝିଅ ଶାଶ୍ୱତୀ ଏବଂ ୪ ବର୍ଷର ଝିଅ ପ୍ରଣତୀଙ୍କୁ ହତ୍ୟା କରାଯାଇଥିଲା। ଏହି ଘଟଣା ସେତେବେଳେ ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟି କରିଥିଲା। ମାମଲାରେ ଖୋଲତାଡ଼ କରି କ୍ରାଇମ୍ବ୍ରାଞ୍ଚ ୩ ଅଭିଯୁକ୍ତ ଫକୀର ମଲ୍ଲିକ, ହିମାଦ୍ରୀ ଦାସ୍ ଓରଫ ରହିମ୍ ଖାନ୍ ଏବଂ ତାଙ୍କ ପତ୍ନୀ ଆୟେଶା ବେଗମ୍ଙ୍କୁ ଗିରଫ କରିଥିଲା।
ରହିମ୍ ଖାନ୍, ବୋଲଗଡ଼ର ଫକୀର ମଲ୍ଲିକଙ୍କ ସହ ମିଶି ଦିନବନ୍ଧୁଙ୍କ ସମ୍ପର୍କରେ ଆସିଥିଲେ। ତେବେ ସମ୍ପତ୍ତି ଲୋଭରେ ରହିମ୍ ଓ ଆୟେଶା ଘଟଣା ଦିନ ୪ ଜଣଙ୍କୁ ହତ୍ୟା କରି ଫେରାର୍ ହୋଇଯାଇଥିଲେ। ଗତ ମଙ୍ଗଳବାର ଦିନ କୋର୍ଟ ଏହି ମାମଲାରେ ୩ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିଥିଲେ।
https://youtu.be/ascEMCBtx9g