ଚାଲି ଚାଲି ଯାଉଥିବା ପ୍ରବାସୀଙ୍କ କଥା ବୁଝିବ ଓଡ଼ିଶା ପୋଲିସ୍

ଭୁବନେଶ୍ୱର: ଓଡ଼ିଶା ଦେଇ କୌଣସି ପ୍ରବାସୀ ଚାଲି ଚାଲି ଯିବେନି। ଓଡ଼ିଶା ସୀମାରେ ପହଞ୍ଚିବା ପରେ ଶ୍ରମିକଙ୍କ ପାଇଁ ହେବ ସ୍ୱତନ୍ତ୍ର ବ୍ୟବସ୍ଥା। ଆଜି ଏନେଇ ସୂଚନା ଦେଇଛନ୍ତି ପୋଲିସ୍ ଡିଜି ଅଭୟ। ଓଡ଼ିଶା ଆସନ୍ତୁ କିମ୍ବା ଓଡ଼ିଶା ଦେଇ ଯାଆନ୍ତୁ, ସମସ୍ତ ଶ୍ରମିକଙ୍କ ପାଇଁ ବ୍ୟବସ୍ଥା କରାଯିବ।

ଏଥିପାଇଁ ଶ୍ରମିକମାନେ ଚାଲନ୍ତୁ ନାହିଁ ବରଂ ପାଖ ଥାନାକୁ ଯାଆନ୍ତୁ, ସେମାନଙ୍କ ଗନ୍ତବ୍ୟସ୍ଥଳକୁ ଯିବା ପାଇଁ ଓଡ଼ିଶା ପୋଲିସ୍ ବ୍ୟବସ୍ଥା କରିବ। ରାଜ୍ୟ ସୀମାରେ ନେଇ ସେମାନଙ୍କୁ ଛାଡ଼ିପାରିବ। ଖାଲି ଗାଡ଼ିରେ ନିଆଯିବନି, ତାଙ୍କର ଖାଦ୍ୟପେୟର ବି ବନ୍ଦୋବସ୍ତ କରାଯିବ ବୋଲି ଡିଜିପି କହିଛନ୍ତି।

ଆଜି  ଭୁବନେଶ୍ୱର, କଟକ ଏବଂ ଖୋର୍ଦ୍ଧାରୁ ଶ୍ରମିକଙ୍କୁ ନିଆଯାଇ ବିଭିନ୍ନ ସୀମାରେ ଛଡ଼ାଯାଇଛି। ଶ୍ରମିକଙ୍କ ପରିବହନ ଖର୍ଚ୍ଚ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଖର୍ଚ୍ଚ ହେବ ବୋଲି କହିଛନ୍ତି ଡିଜିପି।

ଲକଡାଉନ୍ ପରଠୁ ସଂସ୍ଥା ଓ କଳ କାରଖାନା ଓ ପ୍ରତିଷ୍ଠାନ ବନ୍ଦ ହୋଇଯିବାପରେ ଏମାନଙ୍କ ଦାନାପାଣି ବି ବନ୍ଦ। ଏବେ ଚତୁର୍ଦ୍ଦିଗ ଅନ୍ଧାର। ବାଧ୍ୟ ହୋଇ ପିଲାଛୁଆଙ୍କୁ ଧରି ରାତିତମାମ ରାଜପଥ ଦେଇ ଚାଲି ଚାଲି ଚାଲି ଯାଉଛନ୍ତି ହଜାର ହଜାର ଶ୍ରମିକ।

You might also like