ଚା’ ପିଇବାକୁ ଯାଇଥିଲେ, ଚୋର ମାରିଲା ଚମ୍ପଟ

ସୋନପୁର: ପୋଲିସ ହେପାଜତରୁ ଫେରାର୍ ହୋଇଯାଇଛି ଚୋର। ଚୋରକୁ ଧରି ଫେରିବା ବାଟରେ ପୁଲିସ ବାବୁଙ୍କୁ ଥକ୍କା ଲାଗିଲା।  ଚୋରକୁ ଗାଡ଼ିରେ ବସାଇ ଯାଇଥିଲେ ଚା ପିଇବାକୁ। ଚା ପିଇ ସାରିବା ବେଳକୁ ଚୋର ଛୁ…।

ଘଟଣା ଘଟିଛି ଦେଓଗାଁ ଥାନା ଅଞ୍ଚଳରେ। ଆଜି ବିଦ୍ୟୁତ ତାର ଚୋରି ଅଭିଯୋଗରେ ଦେଓଗାଁ ପୁଲିସ ସମ୍ବଲପୁର ଗଣ୍ଡେରପୁର ଗାଁରୁ ଜଣେ ଯୁବକଙ୍କୁ ଗିରଫ କରିଥିଲା। ଗିରଫ ଯୁବକଙ୍କ ନାଁ ଗୁଲେଠୁ ଭରାଗାଗର।

ଅଭିଯୁକ୍ତ ଗୁଲେଠୁଙ୍କୁ ଧରି ଫେରିବା ବାଟରେ ଦେଓଗାଁ ଥାନା ଆଇଆଇସି ଓ ତାଙ୍କ ସହ ଥିବା ୨ ଜଣ କନ୍‌ଷ୍ଟେବଲ୍‌ ସୋନପୁରରେ ଅଟକି ଥିଲେ। ଗାଡ଼ିରେ ଅଭିଯୁକ୍ତଙ୍କୁ ବସାଇ ନିକଟସ୍ଥ ଦୋକାନକୁ ଚା ପିଇବାକୁ ଯାଇଥିଲେ। ଏପଟେ କେହି ନ ଥିବା ସୁଯୋଗରେ ଗୁଲେଠୁ ଗାଡ଼ିରୁ ଡେଇଁ  ଚମ୍ପଟ ମାରିଥିଲା।

ଚା’ ପିଇ ଯେତେବେଳେ ପୁଲିସ ଟିମ୍‌ ଗାଡ଼ି ପାଖକୁ ଫେରିଲା, ଦେଖିଲା ଅଭିଯୁକ୍ତ ନାହିଁ। ତାକୁ ଧରିବା ପାଇଁ ଏବେ ତନାଘନା ଚାଲିଛି।

 

You might also like