ମଣ୍ଡିରୁ ଉଠୁନି ଧାନ, ଚାଷୀ ହନ୍ତସନ୍ତ

ଭଦ୍ରକ: ଭଦ୍ରକ ଜିଲ୍ଲାରେ ଧାନସଂଗ୍ରହ କୋଟା ବୃଦ୍ଧି ସତ୍ୱେ ମଣ୍ଡିରୁ ଧାନ ଉଠୁନାହିଁ। ଜିଲ୍ଲାରେ ୧୦୬ ଟି ସୋସାଇଟି ଜରିଆରେ ଧାନ ସଂଗ୍ରହ ଚାଲିଛି। ଜିଲ୍ଲାର ୨୬ ଜଣ ମିଲରଙ୍କ ସହିତ ଯାଜପୁର, ଖୋର୍ଦ୍ଧା ଏବଂ ସମ୍ବଲପୁରର ୬ଟି ମିଲରଙ୍କୁ ଧାନ ସଂଗ୍ରହରେ ସାମିଲ କରାଯାଇଛି। ଏହା ପରେ ମଧ୍ୟ ଚାଷୀଙ୍କ ଧାନ ମଣ୍ଡିରେ ପଡ଼ି ରହିଛି। ବାହାର ଜିଲ୍ଲାରୁ ଅଧିକ ୧୦ଜଣ ମିଲରଙ୍କୁ ଧାନ ସଂଗ୍ରହରେ ସାମିଲ କରିବାକୁ ସରକାରଙ୍କୁ ଚିଠି ଲେଖାଯାଇଛି।

ବିଶେଷକରି ବାସୁଦେବପୁର ବ୍ଲକରେ ଧାନ କିଣାରେ ସମସ୍ୟା ଦେଖାଦେଇଛି। ଚାଷୀମାନେ ଧାନ ବିକି ନ ପାରି ହନ୍ତସନ୍ତ ହେଉଛନ୍ତି। ବ୍ଲକରେ ୨୨ଟି ସେବା ସମବାୟ ସମିତିରେ ୧୨ ହଜାର ୬୪୨ ଜଣ ଚାଷୀ ପଞ୍ଜିକୃତ ହୋଇଥିଲେ। ଏହି ସଂଖ୍ୟାର ଚାଷୀଙ୍କ ପାଖରୁ ୭ ଲକ୍ଷ ୧ ହଜାର ୬୬୭ କ୍ୱିଣ୍ଟାଲ୍ ଧାନ କିଣିବା ପାଇଁ ଟାର୍ଗେଟ୍‌ ଥିବା ବେଳେ ମାତ୍ର ୨ ଲକ୍ଷ ୪ ହଜାର ୬୪୫ କ୍ୱିଣ୍ଟାଲ୍ ଧାନ ସଂଗ୍ରହ ହୋଇଛି।

You might also like