ରାଜଧାନୀରେ ‘ଫୋନି’ ନେଲା ୫ ଜୀବନ

ଭୁବନେଶ୍ୱର: ସାମୁଦ୍ରିକ ଝଡ଼ ‘ଫୋନି’ ତାଣ୍ଡବରେ ରାଜଧାନୀ ଭୁବନେଶ୍ୱରରେ ୫ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ମୃତକମାନେ ହେଲେ ଭୁବନେଶ୍ୱର ଶିରିପୁର ଅଞ୍ଚଳର ବିଭୂତି ପ୍ରଧାନ, ନନ୍ଦନ କାନନ ଅଞ୍ଚଳର ବସନ୍ତ ରାଉତ , ଚନ୍ଦ୍ରଶେଖରପୁର ତାରିଣୀ ବସ୍ତିର ପ୍ରତାପ ପରିଡ଼ା।

ତେବେ ସହିଦ ନଗର କାଳୀ ମନ୍ଦିର ଅଞ୍ଚଳରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ଜଟଣୀ ଅଞ୍ଚଳରେ ମଧ୍ୟ ଜଣଙ୍କର ମୃତ୍ୟୁ ଘଟିଛି। ହେଲେ ଏମାନଙ୍କର ପରିଚୟ ମିଳିପାରି ନାହିଁ।

ଏହି ୫ ମୃତକଙ୍କ ମଧ୍ୟରୁ ଗଛ ପଡ଼ି ୩ ଜଣଙ୍କର ଓ ଆଜ୍‌ବେଷ୍ଟସ୍‌ ପଡ଼ି ୨ ଜଣଙ୍କ ମୃତ୍ୟୁ ଘଟିଥିବା ଜଣାପଡ଼ିଛି।  ଏହାକୁ ମିଶାଇ ‘ଫୋନି’ ତାଣ୍ଡବରେ ରାଜ୍ୟରେ ମୃତ୍ୟୁ ସଂଖା ୨୯କୁ ବୃଦ୍ଧି ହୋଇଛି।  ଆଗରୁ ୨୪ ଜଣଙ୍କ ମୃତ୍ୟୁ ହୋଇଥିଲା।

You might also like