ପାଖେଇ ଆସୁଛି ସାମୁଦ୍ରିକ ଝଡ଼ ‘ଫୋନି’, ପ୍ରବଳ ବର୍ଷା ସାଙ୍ଗକୁ ୧୮୦ କି.ମି. ବେଗରେ ପବନ ବହିବ

ଭୁବନେଶ୍ୱର: ପାଖେଇ ଆସୁଛି ସାମୁଦ୍ରିକ ଝଡ଼ ‘ଫୋନି’। ଏକ୍ସଟ୍ରିମ୍‌ଲି ସିଭିୟର (ଅତ୍ୟନ୍ତ ଭୟଙ୍କର) ସାଇକ୍ଲୋନିକ୍‌ ଷ୍ଟର୍ମରେ ପରିଣତ ହୋଇଥିବା ଏହି ସାମୁଦ୍ରିକ ଝଡ଼ ବର୍ତ୍ତମାନ ପୁରୀଠାରୁ ଦକ୍ଷିଣ-ଦକ୍ଷିଣପଶ୍ଚିମ ଦିଗରେ ୫୧୦ କି.ମି. ଏବଂ ବିଶାଖାପାଟଣାଠାରୁ ଦକ୍ଷିଣ-ଦକ୍ଷିଣପୂର୍ବ ଦିଗରେ ୨୬୦ କିଲୋମିଟର ଦୂରରେ ରହିଛି।

ଏହା ଉତ୍ତର-ଉତ୍ତରପୂର୍ବ ଦିଗରେ ଗତି କରି ଆସନ୍ତାକାଲି ଗୋପାଳପୁର ଓ ଚାନ୍ଦବାଲି ମଧ୍ୟରେ ପୁରୀ ଆଖପାଖରେ ସ୍ଥଳଭାଗ ଛୁଇଁବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି।

ଏହା ସ୍ଥଳଭାଗ ଛୁଇଁବା ବେଳେ ପବନର ବେଗ ଘଣ୍ଟା ପ୍ରତି ୧୭୦ରୁ ୧୮୦ କିଲୋମିଟର ରହିବ ବୋଲି ଆଶଙ୍କା କରାଯାଉଛି। ତେବେ ପବନର ବେଗ ବୃଦ୍ଧି ପାଇ ୨୦୦ କିଲୋମିଟର ହୋଇପାରେ।

‘ଫୋନି’ ଡପ୍‌ଲର ୱେଦର୍‌ ରାଡାର ପରିଧିକୁ ଆସିବା ପରେ ଏହାର ଗତିବିଧି ଉପରେ ଆହୁରି ସ୍ପଷ୍ଟ ହେବବୋଲି ଜଣାପଡ଼ିଛି। ଏନେଇ ପାଣିପାଗ ବିଭାଗ ଏହାର ଗତିବିଧି ଉପରେ ନଜର ରଖିଛି।  ବର୍ତ୍ତମାନ ବାତ୍ୟା ଫୋନି ଚେନ୍ନାଇ, ବିଶାଖାପାଟଣା, ମଚ୍ଛଲିପଟ୍ଟନମ୍‌ରେ ଲାଗିଥିବା ଡପଲର ୱେଦର ରାଡାର ରେଞ୍ଜରେ ରହିଛି।

You might also like