‘ସେୟାର ବଜାରରେ ଟଙ୍କା ଲଗାନ୍ତୁ ଆମେ ପ୍ରଫିଟ୍‌ ଦେବୁ’ ! ସାଇବର ଲୁଟେରାଙ୍କ ଲୁଟ୍ ଡାଇଲଗ୍

କେନ୍ଦ୍ରାପଡ଼ା/ଭୁବନେଶ୍ୱର: ସାଇବର ସେଲ୍‌କୁ ବଡ଼ ସଫଳତା । ଫେରାଇ ଆଣିଲା ଲକ୍ଷାଧିକ ଟଙ୍କା । ‘ସେୟାର ମାର୍କେଟରେ ଟଙ୍କା ଲଗାଇଲେ, ଆମେ ତୁମକୁ ପ୍ରଚୁର ଲାଭ ଦେବୁ ।’ ଏଭଳି କିଛି ଲୋଭ ଦେଖାଇ ଟଙ୍କା ଲୁଟ କରିବାର ଉପାୟ ବାହାର କରିଛନ୍ତି ସାଇବର ଲୁଟେରା । ଏଭଳି ଠକାମିର ଶିକାର ହୋଇଥିବା ଜଣେ ଯୁବକ ଯେତେବେଳେ ସାଇବର ସେଲ ନିକଟରେ ତୁରନ୍ତ ଅଭିଯୋଗ କଲେ । ସେତେବେଳେ ଏହି ଘଟଣା ପଦାକୁ ଆସିଲା । ଆଉ ଏହି ଅଭିଯୋଗକୁ ଭିତ୍ତିକରି ତୁରନ୍ତ ପଦକ୍ଷେପ ନେଲା ସାଇବର ସେଲ । ଆଉ ଫେରି ଆସିଲା ଟଙ୍କା ।

ସାଇବର ସେଲ୍ ପାଇଁ ଫେରିଲା ୪ ଲକ୍ଷ ୩୦ ହଜାର ଟଙ୍କା । କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଅଞ୍ଚଳର ଯୁବକ ବିଶ୍ୱ ରଞ୍ଜନ ବିଶ୍ୱାଳଙ୍କଠାରୁ ସେୟାର ମାର୍କେଟରେ ପ୍ରଫିଟ୍ କରାଇବେ କହି ଠକିଥିଲେ ସାଇବର ଠକ । ପ୍ରଥମେ ଜଣେ ଠକ ସେୟାର ମାର୍କେଟରେ ଟଙ୍କା ଲଗାଇବା ଲାଗି ବିଶ୍ୱ ରଞ୍ଜନଙ୍କୁ ଡେମୋ କଲ ଦେଇଥିଲେ ।

ଏଥିରେ ତାଙ୍କୁ ପ୍ରଫିଟ୍ ହେବାରୁ ଯୁବକଙ୍କ ପଇସା ଲଗାଇବା ଲାଗି ଆଗ୍ରହ ବଢ଼ିଥିଲା । ଏହାପରେ ଠକ ଜଣଙ୍କ ଆଉ ଜଣେ ବ୍ରୋକରଙ୍କ ନମ୍ବର ଦେବା ସହ ଅଧିକ ପ୍ରଫିଟ୍ ଲୋଭ ଦେଖାଇଥିଲେ । ପରେ ସେୟାର ମାର୍କେଟରେ କ୍ଷତି ହୋଇଛି କହି ତାଙ୍କ ଠାରୁ ସେକ୍ୟୁରିଟି ଡିପୋଜିଟ୍ କରିବାକୁ କହି ୪ ଲକ୍ଷ ୩୦ ହଜାର ଟଙ୍କା ଠକି ନେଇଥିଲେ । ଏନେଇ ବିଶ୍ୱ ରଞ୍ଜନ ସଙ୍ଗେ ସଙ୍ଗେ ସାଇବର ସେଲରେ ଅଭିଯୋଗ କରିଥିଲେ । ଏହାପରେ ପଦକ୍ଷେପ ନେଇ ସାଇବର ସେଲ ଯୁବକଙ୍କ ୪ ଲକ୍ଷ ୩୦ ହଜାର ଟଙ୍କା ଫେରାଇ ଆଣିଛି ।

You might also like