ଚୋରି ରାକେଟ୍‌ର ଚେର ଖୋଜୁଛି କ୍ରାଇମବ୍ରାଞ୍ଚ ଏସ୍‌ଟିଏଫ୍

ଭୁବନେଶ୍ୱର (ଆଲୋକ ମହାନ୍ତି) : ଅଷ୍ଟଧାତୁ ମୂର୍ତ୍ତିର ନେପାଳ ଲିଙ୍କ୍। ଚୋରି ରାକେଟର ଚେର ଖୋଜୁଛି କ୍ରାଇମବ୍ରାଞ୍ଚ ଏସ୍‌ଟିଏଫ୍। ଏନ୍‌ଆଇଏ ଓ ସିବିଆଇର ସ୍ୱତନ୍ତ୍ର ୱିଙ୍ଗ୍‌କୁ ତଥ୍ୟ ମାଗିଛି ଏସ୍‌ଟିଏଫ୍।

ରାକେଟ୍‌ ପଛରେ ରହିଛି ଆନ୍ତଃରାଜ୍ୟ ଓ ଅନ୍ତର୍ଜାତୀୟ ଲିଙ୍କ୍। ମୋବାଇଲ ଯାଞ୍ଚରୁ ୪ଟି ରାଜ୍ୟର ମୂର୍ତ୍ତି ଚୋରଙ୍କ ସହ ବଳିଷ୍ଠ ଲିଙ୍କ୍ ସାମ୍ନାକୁ ଆସିଛି। ଧରାପଡିଥିବା ଅଭିଯୁକ୍ତର ତିନିଦିନିଆ ରିମାଣ୍ଡ ସରିବା ପରେ ତା ନାଁରେ ଆଉ କେଉଁଠି ଓ କେତୋଟି ଅପରାଧ ରହିଛି, ସେନେଇ ତଥ୍ୟ ମଗାଯାଇଛି।

ସେହିପରି ରାଜ୍ୟ କ୍ରାଇମ୍‌ ରେକର୍ଡ ବ୍ୟୁରୋ ଓ ପ୍ରତ୍ନତତ୍ତ୍ୱ ବିଭାଗକୁ ମଧ୍ୟ ତଥ୍ୟ ମାଗିଛି ଏସଟିଏଫ୍। ପଚରାଉଚରା ବେଳେ ତାମିଲନାଡୁ, ଆନ୍ଧ୍ରପ୍ରଦେଶ, କୋଲକତା, ମୁମ୍ବାଇ, ଦିଲ୍ଲୀ ସହ ତାର ଲିଙ୍କ୍‌ ଥିବା ଜଣାପଡିଛି। ଅଭିଯୁକ୍ତର ମୋବାଇଲ ହ୍ୱାଟ୍ସଅପ୍ ଚେକ୍ ବେଳେ ଜବତ ଅଷ୍ଟଧାତୁ ମୂର୍ତ୍ତି ଫଟୋ ସହ ନାଗମଣି, ଏକମୁଖୀ ରୁଦ୍ର, ପୁରାତନ ଦୂରବୀକ୍ଷଣ ଯନ୍ତ୍ର ଭଳି ଏକାଧିକ ବିରଳ ଜିନିଷର ଫଟୋ ସେମାନଙ୍କ ପାଖକୁ ପଠାଯାଇଥିବା ତଦନ୍ତରୁ ଜଣାପଡିଛି। ଏସ୍‌ଟିଏଫ୍‌ର ଏକ ସ୍ୱତନ୍ତ୍ର ଟିମ୍ ତାମିଲନାଡୁ ଓ ଆନ୍ଧ୍ର ଯିବାକୁ ପ୍ରସ୍ତୁତ ହେଉଛି।

ଏଠି ପ୍ରଶ୍ନ ଉଠୁଛି, ଖୋଲିବ କି ମୂର୍ତ୍ତି ଚୋରି ରାକେଟ୍‌ର ବିଦେଶ ଲିଙ୍କ୍‌। ଧରାପଡିବେ କି ଦେଶ ଓ ବିଦେଶରେ ଥିବା ଅପରାଧି। ଜବତ ଅଷ୍ଟଧାତୁ ଏବେ କେଉଁଠି ? ନିକଟରେ ଅଷ୍ଟଧାତୁ ଚୋରା କାରବାରରେ ଜଣେ ଅଭିଯୁକ୍ତ ଧରାପଡିଥିଲା। ତା ନିକଟରୁ ବହୁପୁରାତନ ଅଷ୍ଟଧାତୁ ଜବତ ହୋଇଥିଲା।

You might also like